Tito 2:10 - Biblía Axweesantá Hhohho' ar Mungú 2004

¹⁰ slám muruú bariiser'ín munguwa fisisiín. Ala inooín gár kiwa hariím masók inkihhimu ngun laqaqaná' umuúqo deelooro, as intsaahhatimisuú Mungú Ba/amusmoorén kuwa xirfayeemisi baraá umuúqo gár i tleehhiia.

Ya/abtór hho' 1977

¹⁰ slám muruú bariiser'ín munguwa fisisiín. Ala inooín gár kiwa hariím masók inkihhimu ngun laqaqaná' umuúqo deelooro, as intsaahhatimisuú Mungú Ba/amusmoorén kuwa xirfeemisi baraá umuúqo gár i tleehhiia.

Tito 2:10 Iomraidhean Croise

WARA'AMI 101:6

Aníng múk ni ga/aw a kudá' inkihhimuú koóm baraakaá yaamuwo. Kuká' an múk nee aníng alhootá'. Múk xaslxaanslír koomaaká baraá slafingw'ine an kudá' i sagadiyuús.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 1:47

nee qeeruueé' in Munguú saqwalalaa/, Ba/amusmooeé',

Luka 1:80

Na/aydá' iri uráy, /uuruuwós iri doogín oo qeeru. Iri baraá darmuú wa hoót ay baalaadá' iwa amór múk Israelírí ti'iít.

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

Yohana 12:6

Inós adoorí gaa ooiiká as liitlakuuse ngiwa gurtláy, ala asma inós tawa fisusmo. Nee inós a heé tlakwayduú peésa gu amohhe'eemamiís. Inós peésaadá' ta baraadií qamaamin gan fisaasín.

1 Korinto 4:2

Ala dír mukduú saayuuseero gár ta slai masók kin inkihhím.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

1 Timoteo 6:1

Mukdá' sleémeero oo lawaale ngi xuiye' adór daqaarer'ín tar múk hariím ilaiwa/ameero, as umuú Mungú mukuwa /oosliislín, nee intsaahhasarén sleeme.

1 Timoteo 6:3

Umuúqo heewo kudá' sagalooór hatlá' ga intsaahhatimís, slám axweesanoó Aakoorén Yesu Kristo kuduú ló' gu ya/a/anká, nee intsaahhasár haratlintaaoorén,

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Tito 3:4

Ala qoomár hhooeemaá Mungú Ba/amusmoorén kiwa geehhooeés, nee sla'aarirós,

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

2 Yohana 1:9

Heé baraá intsaahhasár Kristó wa hootaaká, ala iri harwaaraáhh, heé adoorí Mungú baraawose i kaahh. Ala heé baraá intsaahhatisár Kristó wa hotaatiím, kwí Baabá gu kón nee Garmaawo.

1 SAMUELI 22:14

Ahimeleki waawutmo guri báy, «Baraá sagadiyuuseeroge heé adór Daudi a heemá oo inkihhimuú koóm, oo dasír waawutmoó koóm, kudá' sufuuwók gu xuú', kudá' ilaiwa/amér koóm dír do'oge.

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.