Tito 1:9 - Biblía Axweesantá Hhohho' ar Mungú 2004

⁹ Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.

Ya/abtór hho' 1977

⁹ Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'uungo ar axweesantadár ló', nee múk axweesantadá' ga siaasií' nguwa ar ba/i.

Tito 1:9 Iomraidhean Croise

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 27:6

Aníng ti daba' hhohhó' nee sleeme a warqaqawaaká. aníng ti xuruumitaaká.»

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

Tlehhema'aá ya/Abuuse 18:28

Asma inós múk Yahudi guna ló'wa ar ba/a hhe'eés geeraá muu sleémeero wa ale, ngiwa laqaqan ar Gooír axweesantá Mungú adór Yesu tar Kristo.

1 Korinto 14:24

Ala sleémeero barnaxes tan aariirín, aluuwo heé aa haratlintii'iiká, laqaá heé adoodá' xuaaká, bar naa dáh, inós ti kilós tsaáhhiíke, ar /aymi'iidá' aa axaás, nee slám /aymi'iidá' sleémeero inós ngu sakwasleemuutíaáke?

1 Tesalonike 5:21

Mura' sleémeero iiaraagáy, oo hhó' ku otá'.

2 Tesalonike 2:15

Gawaá adoorihe, hháe, kuungá' gawduwé' baraá haratlintaaooro. Intsaahhasa sleémeero oohaak, tidá' atén naa kuungá' i intsaahhatimisaán baraá alki/ituurén nee baraá barwaárene.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

1 Timoteo 1:19

Mungú haratlintatieek, nee afoodá' hho' ar baraá muunaáwók kawa eeharahat. Kumiít baraá haratlintaaooroge nee afoodá' hho' ar baraá muunaáwók na iiárií qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

1 Timoteo 4:9

Kaangwí oo ló', oo hariím haratlintaaooro, slám i ló'wa harín ya/aamaro.

1 Timoteo 6:3

Umuúqo heewo kudá' sagalooór hatlá' ga intsaahhatimís, slám axweesanoó Aakoorén Yesu Kristo kuduú ló' gu ya/a/anká, nee intsaahhasár haratlintaaoorén,

2 Timoteo 1:13

Intsaahhatimisuuduú ló', kudá' taa dir'eén wa axás ilaooheek, ku adoodár intsaahhatimís. Baraá slafiingoge hoót ar Yesu Kristo kuwa haratlintati' nee kuwa sla'.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

2 Timoteo 3:14

Ala kuúng looeemaadá' tuwa intsaahhatimís na ló'wa haratlintieek, asma kuúng a xú' heé kuúng uga intsaahhatimis a heemá.

2 Timoteo 4:3

Asma qooma i hardát ar muu intsaahhatimisuuduú ló' nguwa si'i. Aluuwo intsaahhatuuser'ín ar yaariir kari leeleehh ar adoodá' inooín ta slai, as intsaahhatimisuudá' inooín ta slai kuwa axamiisi.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Tito 2:1

Ala kuúng axweesanaydá' intsaahhasár looeemaá wa hariím intsaahhatimiseek.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

Geehhoeemaá 2:25

Ala tisíng ta koonda' na ooha hhe'eesaak ay dír án ni hardah.

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.