Tito 1:5 - Biblía Axweesantá Hhohho' ar Mungú 2004

⁵ Án kuúng una yaamaá Kretér i geexáw as gadiyeédá' aa met kawa alhhe'es, ak alé bariise kawa qas baraá umuúqo gixsaro, ar adoodá' aníng kuúng ura hara'ayiím.

Ya/abtór hho' 1977

⁵ Án kuúng una yaamaá Kretér i geexáw as gadiyeédá' aa met kawa alhhe'es, ak alé bariisee kawa qas baraá umuúqo gixsaro, ar adoodá' aníng kuúng ura hara'ayiím.

Tito 1:5 Iomraidhean Croise

1 QOM'I 6:32

Inooín tina baalaqaamisiyé' daa'ango baraá heémadár geeraá heemár dinku'uuma ay qoomár Solomon doó AAKOÓ MUNGÚ nguwa tleéhh baraá Yerusalemu.

DAHARUSMO 12:9

Daharusmoodá' dinkwa nee sagalooár i kona inós muu guna intsaahhatimís xu'utiro. Inós axweesantá sagalooa ar yaariir gana alqaytsimiít nee gari aldakuút, nee gari qoomeemeés ar magahhto.

ISAYA 44:7

Munguú adór aníng a heemá? Gimsé' ngi alki/iiti, inós ngi dír geeraaeé' wa ooi. Heé kaangwí gwaa iimír aáng wa alki/iit, qoomár iwa tleehharutiiká, kángw muruú tleehharuút ngu dirén i ooi dír ira tleehharutiiká.

TLAHHOÓ LAÁWI 14:42

Naagáy tlaa/aá /aben ki didá' taa feé/ ar tleehhi, nee na/amisuú /abén ku na/aasi.

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 2:11

múk Yahudi, nee múk hatlá' oo diínír Yahudi gaa eehar, múk Krete nee múk yaamaá Ma/arabu. Adoorí a adoomá kiwa axamiisaan tlehhma'aá waa/oo/amo awa Mungú kiwa axweesi ar tsifrirén.»

Tlehhema'aá ya/Abuuse 27:12

Ala didaádá' ta i dirii'i i hariindaaká hotaango qoomár tsaaqwaro. Gawaá adoorihe múk yaariír iri oó', «Gusé', waarahhamu bura aleeslawaán a waarahhaán ay Foiniki, as tawa hootaan qoomár tsaaqwaro.» Didá' an afaá tlawi awa yaamaá Krete. Diirí ina ganá' baskwá al /uwa, nee slám ina ganá' /iikwá al /uwa.

Tlehhema'aá ya/Abuuse 27:13

Qoomár fur'ár baskú daahh iwa iimu/uún fukukueeliingo ar tseegamis, tay ooaán daxta hardahamu u aleeslawaán as fur'aarí. Miringamo kuri gweér, tari tláy, tari kumiít ar afaá yaamaá Krete ar adoodá' taa aleesláy.

Tlehhema'aá ya/Abuuse 27:21

Deelór yaariire tawa iwiiwiít ar qwari, Paulo iri tla/angw'íní sihhiít, iri oó', «Hhawaáte, qoomár aníng niwa oó' a tlawanaaká yaamaá Kretero alók ina iiárií qasé'. Muruuwí yaariír geera alók aa hhitiruutiiká nee aa qwaariiká.

Tlehhema'aá ya/Abuuse 27:7

Ana tseegimamiisaán aaiiwo. Deelór yaariir kay hhe'eesaán, tari hardahaán gixsár Nido ar qitla. Fur'a tina ak il/aán, tari bihhaá yaamaá Krete oohaán, tawa waarahhaan ar Salmone.

1 Korinto 11:34

Ala hee barnaxes i qwariit, i /ayin dír do'ós wa alé, as burumburimituuhúng mindiwa sakwasleemár ar kií/. Nee muruudá' aa meet aníng binda amorhúngí hardáh ngu hara'ayiím.

1 Korinto 14:40

Ala mura' sleémeero i tleehharuumiti ar hhohhoaari nee ar digir wakeetiingw.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

Kolosai 2:5

Asma án tam kahha dirhunge baraá slaqwto, tam adoorihe aníng a dinkwa nee kuungá' ar baraá qeeru. Aníng a ló' wa qwalalaá/ asma aga tsaáhh adór slafingwhúng kur hhohhó', nee adór haratlintaaorhúng ir /uuruú koón baraá Kristoowo.

1 Timoteo 1:3

Qoomár án niwa Makedoniár kaw, án kuúng una firiím tawa Efesór wa hot. Hám daxta un malé firiím, as mukko kuwa hara'ayiyiin as intsaahhasár hatlá' mingiwa huúw.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

Tito 1:12

Heé ayaaín, nee slám a aarusmooín oo kilá' ina oó', «Múk Krete a lamuuse umuúqo deelooro, inooín a makaá tlakw, slám a hheehhuuse nee a tli/uuse.»