Tito 1:4 - Biblía Axweesantá Hhohho' ar Mungú 2004

⁴ Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Ya/abtór hho' 1977

⁴ Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydí haniisi.

Tito 1:4 Iomraidhean Croise

Luka 2:11

Asma laarí baraá gixsár Daudiwo ba/amusmoohúng kwaa laqwaál, inós an Krístó Aako.

Yohana 4:42

/Ameenidá' kari báy, «Daxta aga haratlintiaán as axweesantók kiloseeká, asma ataá kilá' aga axaasaán, slám aga xuaán adór kwí tar ba/amusmoó muu.»

Rumi 1:12

Gár ni kah an tí, «Gár ni slaa' masók tin gurkwa/amisaán, aníng /uuru nguwa slaw ar haratlintaaorhúng, nee kuungá' /uuru kuwa sleera' ar haratlintaaor'eé'.»

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

2 korinto 12:18

Aníng Tito una firiím niwa amorhúng i daqay, nee hhiyaaduú hatlá' una ya/aáw nee inós tiwa kona'. Xáy, Tito gár dirhunge aa sláy i deéro? Qeeruú hhoohhoó' oo Mungú kudá' aníng i geeraharahaár, a kudá' inós sleeme gu geeraharahaáraáke? Nee slám hotaangós a adór kwe'eeneekáhe?

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

2 korinto 4:13

Ala atén haratlintaao a koomaán. Gooi i kat, «Aníng haratlintaao a koóm, gawaá adoorihe aníng a axweés.» Atén sleeme qeeruuduú kilá' oo haratlintaao u koomaán, gawaá adoorihe atén sleeme a axweesaán.

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

2 korinto 8:23

Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

2 korinto 8:6

Tito an heé gadiyeérí gaa iimu/un. Gawaá adoorihe atén inós kuri harakeesaán, as inós iwa kumiiti gadiyeérihe, nee tlehhemuuwí oo sla'aari nguwa boo/eesi dirhunge.

Galatia 2:3

Ala Tito kudá' nee aníng dinkwa, inós tam heé Yunaniro, kwa harakeesiiká al/utlooro.

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Efeso 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Kolosai 1:2

amorhúngií alé, kuungá' múk hhohhó' oo Mungú oo baraá yaamaá Kolosai, kudá' hhaeerén awa inkihhimuú koomá' baraá Kristowo. Mungú Baabá kuungá' nu tsuuqi nee nu waydií haniisi.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

2 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu, ar adoodá' Mungú aa slaá', as slafingwdá' taa geerií al'axweés nguwa alki/iit, kudá' baraá Kristo Yesu i dirií'.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

2 Petro 2:20

Mukwí geeraawo tina paraátl dír slasla/aruú baraaká' yaamuwo, qoomár Aakoorén nee Ba/amusmoorén Yesu Kristo kuwa xuú'. Aluuwo kuri malé uuruúx tari kií/ baraá slasla/aruudí alé, kiri baál nee slasla/aruudá'. Gawaá adoorihe tlehhemuuín kwí oo alhhe'eesaay ku ló'wa tlaákw ta kuduú geera ba/a.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

1 Yohana 5:14

Adoorihe a harahhifór koomaán dirose bar ugwa firiimaán ar adór inós i slai, ti axaas.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.