Tito 1:3 - Biblía Axweesantá Hhohho' ar Mungú 2004

³ Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Ya/abtór hho' 1977

³ Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Tito 1:3 Iomraidhean Croise

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

DANIELI 11:27

Waawitaáwí tsár tari dinkwár i iwiit tawa /ayin, ala dir'ine umuú heewo muruú tlákw gun aldakuut daanduú heé hatlae nee tin kilooín al/aginá'. Ala gár tleehharo i aleeslaya' i káhh asma qooma aa xeeriiká.

DANIELI 8:23

«Qoomár waawuti'iimarí bar alhhe'eesaywós gwa eér, nee tlakweemaaín naa bu'uutiyé' alhhe'eesay ngwa ayé', waawutmoó wák oo fuqurángw koóm oo /uuruú koóm ni hardah.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Marko 1:15

iri káh, «Qooma aa bó/, nee waawuti'iimár Mungú naa tseewuúr. Hhu'uu'umé', nee Ya/abtór hho' haratlintiaagáy.»

Marko 13:10

Ala Ya/abtór hho' aqo kan geerií alki/iit baraá xoordu sleémeero dír alhhe'eesaydá' nira hardihiiká.

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Luka 1:47

nee qeeruueé' in Munguú saqwalalaa/, Ba/amusmooeé',

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

Rumi 15:19

ar layaá /uuruú koomá' nee ar tlehhma'aá waa/oo/amo, nee ar /uuruú Qeeruú Mungú. Gawaá adoorihe aníng alki/ituú Ya/abtór hho' ar Kristo ugwa hhe'eés iimír Yerusalemúr wa tleemu, niri harweeriím ay dír yaamaá Iluriko.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Rumi 5:6

Asma qoomár atén tawa múk tlakuuse, qoomaadá' Mungú aa qaás iwa bó/, Kristo iri gwaá' as daandeemaá múk tlakuuse.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

Filipi 1:13

Asma aníng tina tseék as Kristo, nee adoorí aa xu'utít dír askaári nee muu sleémeero oo diirí dirií'.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 2:3

Adoorí ka hhoo', slám Mungú Ba/amusmoorén gu sla'atimís.

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Tito 2:10

slám muruú bariiser'ín munguwa fisisiín. Ala inooín gár kiwa hariím masók inkihhimu ngun laqaqaná' umuúqo deelooro, as intsaahhatimisuú Mungú Ba/amusmoorén kuwa xirfayeemisi baraá umuúqo gár i tleehhiia.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Geehhoeemaá 14:16

Nee kudá' aa iwiit gawaá huunki, tsataywós guri ya/aáw baraá yaamu, yaamu kiri bu'ún.