Tito 1:15 - Biblía Axweesantá Hhohho' ar Mungú 2004

¹⁵ Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ya/abtór hho' 1977

¹⁵ Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ín sleeme.

Tito 1:15 Iomraidhean Croise

AXWEESANOÓ SAGALOOA 21:4

Xumsír daara/aangw nee inslawoó daara/aango, a tlehhma'aá múk tlákw ngin geehhoeemisiyá'.

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

HAGAI 2:13

Hagai giri malé yaahaás, «Hee bar taa meetagaás ar tuua ngiwa kwatiít, bar muruú /aymaadá' gwaa kwatiít, muruú /aymaadá' aa meetagwaái?» Kaahamuusér Mungú guri beér, «Aa meetagwaá'.»

Matayo 15:18

Ala muruú baraá afkú heé wa ti'imiít, amór i dahhi a baraá muuná, an muruudá' hee gu meetagaás.

Tlehhema'aá ya/Abuuse 10:15

Afo guri i hardát sagaáwa tsár wa aleeró, guri beér, «Muruú Mungú aa hheehhe'eés, kuúng mu slasla/aruú babawaar.»

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:20

Gadiyér Mungú ma hhitiimaar as muruú /ayma. Ar ló' mura' sleémeero ku hhohhó'. Ala i hariindaaká muruú /aymár hee gu baraá tlakweemií dahaás kuwa /ak.

Rumi 14:23

Ala heedaádá' xuruumiít gawaá gadaádá' i /ayi, inós kwaa sakwasleemuút. Asma inós gadaádá' gaa /ayiiká ar haratlintaao. Umuúqo gaaro ar baraá haratlintaaór dahhaaká a tlakweema.

1 Korinto 10:23

Aníng a aleesláw mura' sleémeero nguwa tleehh, ala a sleémeerowooká oo hariím. Aníng a aleesláw mura' sleémeero nguwa tleehh, ala a sleémeerowooká oo muu gu kwa/ás.

1 Korinto 10:25

Umuúqo gaaro ar ta weerimiisi didár mura' kuwa weerimiisi, /ayaak, slám amór i dahh ma yaahamisaara', as haratlintaaorhúng.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.