Tito 1:13 - Biblía Axweesantá Hhohho' ar Mungú 2004

¹³ Tí aarusmoowí aa oó' ar ló'. Gawaá adoorihe, kuúng inooín iigahhaateek ló'wa ale ar xaraasleema, as inooín niwa kwa/iya' baraá haratlintaaooro,

Ya/abtór hho' 1977

¹³ Tí aarusmoowí aa oó' ar ló'. Gawaá adoorihe, kuúng inooín iigahhaateek ló'wa ale ar xaraasleema, as inooín masók a múk aa kwaa/ baraá haratlintaaooro,

Tito 1:13 Iomraidhean Croise

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

AXWEESANOÓ SAGALOOA 27:5

A tsiní heé gurbu'uungós ngwa gwa/tis, ta heé sla'aarirós gaa lu/i.

TLAHHOÓ LAÁWI 19:17

«Hhiyaawók mu magoódií tseegaar baraá muunaáwoge, ala ti kaahi sleere' umuú daqto nee inslaawmoowók as kahhó' tlakweema kiwa tlehha'aaká.

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.