Tito 1:1 - Biblía Axweesantá Hhohho' ar Mungú 2004

¹ Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Ya/abtór hho' 1977

¹ Ánuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee iidíguú looeema nguwa xuiya', kudá' hariím as Mungú kuwa ilaiwawa/i,

Tito 1:1 Iomraidhean Croise

1 QOM'I 6:49

Aroni nee xwaylarós ilahhooár da/a nee ilahhooár mooyángw tsuú' ngin hanmamisiyá' gawaá kitángw ilahhooa nee kuduú ilahhooár mooyángw tsuú'. Inooín gadiyeé sleémeero ar didá' ak hhoohhoo' ngin tlehhahhitiyá', nee gadiyér múk Israeli nee Mungú kiwa haraki/imiis, adoodá' Mose ngira dir'íní oó', kuduú sagadiyusmoó Mungú.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 6:3

Umuúqo heewo kudá' sagalooór hatlá' ga intsaahhatimís, slám axweesanoó Aakoorén Yesu Kristo kuduú ló' gu ya/a/anká, nee intsaahhasár haratlintaaoorén,

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

2 Timoteo 2:23

Ala kuúng ma haragwaa'aar baraá tlaampa'amisuú dakti'iima, kudá' sagalooa wásl, asma a xú' adór tlaampa'amisuuwí gár i huwi tar gila.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',

1 Yohana 2:23

Heé Garma gwa tlaank, tam Baabá gwa satlaánk sleeme, oo Garma gwa ya/an, tam Baabá gwa ya/án sleeme.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.