TI'INAANGW 9:6 - Biblía Axweesantá Hhohho' ar Mungú 2004

⁶ Looaytleérós AAKOÓ MUNGÚ adoodá' gari tleéhh, makaydaá múk Misri ta de'en niri qatliyé', ala awa múk Israeli gár gaa eer i káhh.

TI'INAANGW 9:6 Iomraidhean Croise

WARA'AMI 78:48

Hikwaaín gina tsuú/ ar tluwoó tlaa/e, nee muruú ququmát doori nguna slahhiyé'.

WARA'AMI 78:50

Buhhtaawós niri kumiitiyé', tam gwa'ara gaa pa/asiiká dir'ine, giri daásl ar pu/i.

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

TI'INAANGW 12:29

Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

TI'INAANGW 8:22

Ala baalaadae aníng yaamaá Gosheni i paraátl, kudá' muk'eé' i hooti, as ba'ár ngiwa kayká. Kuungá' kari tsahhá' adór anuú AAKOÓ MUNGÚ nir baraá yaamuuká'.

TI'INAANGW 9:25

Tluwayduú tlaa/e umuú gaaro ar tsee/áy diriia gana giqáy, muu nee makaywo nee balaangw nee umuúqo xa'anoowo.

TI'INAANGW 9:26

Yaamaá Gosheni kilooín, kudá' múk Israeli i hooti, tluwoó tlaa/e gaa i tluwiiká.

TI'INAANGW 9:4

Ala AAKOÓ MUNGÚ makaá múk Israeli gin paraatl dír makaá múk Misriro, nee makiito'ór múk Israeli ar gwaa' tam ar wák i káhh.› »

TI'INAANGW 9:5

AAKOÓ MUNGÚ qooma gari qaás, iwa kaahi, «Matlo anuú AAKOÓ MUNGÚ adoorí an tleéhh baraá yaamaá Misriro.»