TI'INAANGW 9:27 - Biblía Axweesantá Hhohho' ar Mungú 2004

²⁷ Aluuwo Farao Mose nee Aroni giri ateét, giri báy, «Aníng waiikae aga dakuús, AAKOÓ MUNGÚ in gan'amuú kón, aníng nee muk'eé' tlakweema iga tleehhaán.

TI'INAANGW 9:27 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 QOM'I 12:6

Naagáy ala waawutmo nee geeraharuusér Israeliwo tiri niinaweesiyé', tari oó', «AAKOÓ MUNGÚ adór ganaa' gaa tleéhh.»

WARA'AMI 129:4

AAKOÓ MUNGÚ in gan'amuú kón, inós iga gweér baraá him'ér múk tlakwe.

WARA'AMI 145:17

AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 10:16

Aluuwo Farao Mose nee Aroni giri gaanslár ateét giri báy, «AAKOÓ MUNGÚ Munguúhúng ugwa tlakweemáy tleéhh nee kuungae.

TI'INAANGW 10:17

Aníng kuungá' nu harhheehhe'eés, gurtlawaaré' waiika' kilose, AAKOÓ MUNGÚ Munguúhúng gwa'ararí ngi hingeesi dir'eene.»

TI'INAANGW 8:25

Naagáy Farao Mose nee Aroni giri ateét, giri báy, «Tlawsé', Mungú ilahhooárí hanisaak baraá yaamuuká' kilá' wa ale.»

TI'INAANGW 8:8

Farao Mose nee Aroni giri ateét, giri báy, «AAKOÓ MUNGÚ firiimaak as aamaxupaarí ngiwa hingeesi dir'eene nee dír muk'eene. Daqaní aníng múk Israeli u geemáw as ilahhooár muruú ta tsu/i ngiwa haniisár aya' dír AAKOÓ MUNGÚ.»

WA/AA/I 1:18

«AAKOÓ MUNGÚ i baraá gan'amu, asma aníng axweesantós ana aáhh. Ala kuungaá muu sleémeero iia qaasaak, nee slahh'amuueé' ga/aawaak, dasuueé' nee daaqay'eene kira tláy baraá loohaay.

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

FAARO 22:34

Bala'amu malaykamoó AAKOÓ MUNGÚ guri báy, «Tlakweema iga tleéhh, asma aga xuiiká adór kuúng tara sihhít baraá loohi as aníng iwa ila/. Adoorí bar kuúng a sla'aká, hamí mawa kumiít aaiwo, a kií/ amór do'.»

Matayo 27:4

giri báy, «Aga dakuús, asma heé tlakweemaá koomaaká nguwa sakií/.» Inooín tari oó', «Gár atén ti huuw gawaá tisinge a milá? Kangwsíng a kók.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

YOSHUA 7:20

Akani iri oó', «Ar ló' án AAKOÓ MUNGÚ, Munguú Israeli, ugwa sadakuús, nee gadaádá' aníng naa tleéhh a tí:

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.

1 SAMUELI 15:30

Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»