TI'INAANGW 9:14 - Biblía Axweesantá Hhohho' ar Mungú 2004

¹⁴ Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

TI'INAANGW 9:14 Iomraidhean Croise

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 WAAWITÁ 8:38

na'ás gár mukók Israeli naaqo firini ya/aameek, laqaá tidá' umuúqo heewo naa firín, laqaá mukók oo Israeli sleémeero. Umuú heewo bar slahh'amuú baraá muunaáwós ngwaa xuú' bar ugwa firín dabaawós gaa tleés amoorók, iiárií qaaseek.

1 QOM'I 17:20

Aá AAKOÓ MUNGÚ, oo hatlá' oo adór kuúng i kaahh, Munguú hatlá' i kaahh, aqo har kuúng, ar adoodá' atén iaarene kara axaasani.

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

TI'INAANGW 9:15

Asma ay hamí geeraawo dakw'eé' una qaroó tleés, kuúng nee mukoge nuri hhaamiís ar pu/i baraá yaamuwo.

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

TLAHHOÓ LAÁWI 26:18

«Nee tam alaá tunduwa doohhiís iga iiárií qasi'iiká, naagáy, nun doohhiís ki/ima faanqw as tlakweemaahúng.

TLAHHOÓ LAÁWI 26:21

«Bar aga kumité' aníng tlampa'amisuuwo nee iwa siasia' axamisuuwo, aníng muxtarhúng ngi male doók ki/ima faanqw ar qoomoó yaareemaá tlakweemaahúng.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

MIKA 6:13

Ga/aawaagáy, aníng kuungá' naa qaroó iimu/uúm muxtaaro, nee nu gaárí geexawaaká, asma tlakweemaahúng.

DABE 3:24

‹Aá, AAKOÓ MUNGÚ, anuú sagadiyusmoowók a xuú' adór kuúng ira sangw aleesleemuuwók oo úr i laqaán. Asma a mungú gaalá gawaá dooriwo, laqaá baraá yaamuwo oo muruú urén nee oo waa/oo/amo oo adór kwí tleehharo gu aleesláw, kwí kuúng taa tlehhít?

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

Geehhoeemaá 18:8

Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»

Geehhoeemaá 22:18

Umuúqo heewo oo axweesanoó aaru'uuma gu axamiís, kudá' baraá kitaábuuwí i dirií', aníng inós u gurbuú' niwa kah, Hee barnaxes garka gaa doók baraá axweesanaywí i alé, daqaní Mungú muxtaadá' taa gooín baraá kitaábuuwí i aleeró ga dook daanduú heewí alé.

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.