TI'INAANGW 8:20 - Biblía Axweesantá Hhohho' ar Mungú 2004

²⁰ Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

TI'INAANGW 8:20 Iomraidhean Croise

WARA'AMI 105:31

Mungú ina ilawaáts, ba'aruú yaariír yaamaá Misri giri áy, nee itina yaamaá Misri giri alnitsitsi'ít.

WARA'AMI 78:45

Gina ba'aruú yaariír oo dítstí tleés, muu guri kaakiíhh, nee aamaxupa ar hhita ngaa hup.

TI'INAANGW 2:5

Naagáy dasír Farao niri amorqá' wa /ét, iwa hamtlór eer baraá yaae, nee sagadiyuuseerós i bihhaá yaaér wa harweeririná'. Dasidá' lakwaanti gari aán, sagadiyuso'oorós gari ya/áp ngiwa hup amoorós i alé.

TI'INAANGW 3:18

«Inooín afoorók ngi axaasiyá', kuúng nee bariisér Israeli ta amór waawutmoó Misri keerá', ku beera', ‹AAKOÓ MUNGÚ, Munguú múk Ebrania, nee atén tina doogaán. Daxta u firiimaán, ya/aám haniisang tawa tlawaan deelo tám baraá xaanxaay, as ilahhooár muruú ta tsu/i kawa hanisaan dír AAKOÓ MUNGÚ Munguúrén.›

TI'INAANGW 4:23

Aníng kuúng un báw, garmaaeé' geemaweek as án iwa sluufmisuú ay. Barnaxes kuúng aga sí' kuwa geemeer, qaytsiít, aníng garmaawók oo baris u gaás.› »

TI'INAANGW 5:1

Aluudae Mose nee Aroni tari amór waawutmo Farao káy, kuri báy, «AAKOÓ MUNGÚ, Munguú Israeli, i kaahi, ‹Muk'eé' geemaweek, deelór ur ngi baraá xaanxáy wa tleehhiye' as aníng.› »

TI'INAANGW 5:3

Inooín nguri bayé', «Munguú Israeli tina dirén i geehhooeés. Atén ti geemeer tawa aa'aá kawaan baraá xaanxaay deelo tame, as ilahhooár murú ta tsu/i ngiwa haniisár awaan dír AAKOÓ MUNGÚ Munguúrén. Bar adooriheeká inós atén tin tsuu/ ar tiqtír pu/i, laqaá ar slaqwara.»

TI'INAANGW 7:15

Matlaatleero tláw amór Farao qoomár inós bir baraá yaaér káy, kuúng sihhiít dír afá yaae nee inós tiwa doga', nee hhartadá' a dayshamo tleehhit masók a koón dakoge.

TI'INAANGW 8:1

Aluuwo AAKOÓ MUNGÚ Mose guri báy, «Tláw amór Farao ku beer, AAKOÓ MUNGÚ i kaahi, ‹Muk'eé' geemaweek as aníng iwa sluufmisuú aya'.

TI'INAANGW 8:21

Asma bar muk'eé' u geemeeraaká, aníng ba'aruú yaariír ngu amoorógií tleés nee amór geeraharuuseerók, nee amór mukoge nee baraá marayhúng. Maraá múk Misri sleémeero ba'ár gi dalaa/, nee baraá yaamu sleémeero awa i hootiya'.

TI'INAANGW 9:13

AAKOÓ MUNGÚ Mose guri báy, «Matlaatlér boo/e tseewa ti'iít amór Farao, ku beer, AAKOÓ MUNGÚ, Munguú múk Ebrania, i kaahi, ‹Muk'eé' geemaweek iwa tlay as aníng iwa sluufmisuú aya'.