TI'INAANGW 8:18 - Biblía Axweesantá Hhohho' ar Mungú 2004

¹⁸ Qwaslaarér yaamuudá' ar miislay'ine kwasiyaangw nguri iiariyé' nguwa tleesiya', ala adoodá' ngiri harslaaqatiyé'. Kwasiyaangw slaqwaá muu nee makaywo gaa aleetsaát.

TI'INAANGW 8:18 Iomraidhean Croise

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

TI'INAANGW 10:23

Heé kuqá' gwaa ar, laqaá heé suruuka gaa aleeslay baraá deeloorí tame i kaahh. Ala amór yaamuudaá múk Israeli i hooti gwa/aateema i dayá'.

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

TI'INAANGW 7:12

Umuúqo heewo oo qwaslaarmo didae hhartós gari yaamií kwaáhh, hhadoodá' niri dayshe tleehhitiyé'. Ala hhartidár Aroni hhadoodá' giri gu/uún sleémeero.

TI'INAANGW 8:7

Qwaslaarér yaamuudá' adoodá' gari tléhh ar miislay'ín, aamaxupa ngiri huwiyé' sleeme baraá yaamaá Misri.

TI'INAANGW 9:11

Qwaslaare sihhtanór dír geeraá Mose gari harslaaqát, as kiwa uhín nee umi'i adór mukduú hatlá' oo Misri.

ISAYA 19:12

Aá Farao, mukók kudá' sageeloén i amá? Gimáy, gadaádá' AAKOÓ MUNGÚ Aleesleemusmo naa istí tsaát tleehhamoro daanduú Misriro, inooín ngi dorógí ooiye' as kawa xu'.

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 5:8

Naagáy múk sageeloén oo waawutmo sleémeero niri hardáh, ala gooidá' soómaro nga aleeslay'iiká, tam gooidá' gár i kat ooaro kaa aleeslayká dír waawutmowo.

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.