TI'INAANGW 8:10 - Biblía Axweesantá Hhohho' ar Mungú 2004

¹⁰ Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 8:10 Iomraidhean Croise

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 QOM'I 17:20

Aá AAKOÓ MUNGÚ, oo hatlá' oo adór kuúng i kaahh, Munguú hatlá' i kaahh, aqo har kuúng, ar adoodá' atén iaarene kara axaasani.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 8:9

Mose Farao guri báy, «Kahhó', kuúng baalár ta sla' ooang, ar kuúng nee geeraharuuseeroge, nee mukoge, nuwa alefiriim dír Munguhe, as aamaxupaarí iwa qutl diroge, nee dír do'oge, iri mét baraá yaaér Nili kilós.»

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

TI'INAANGW 9:29

Mose Farao guri báy, «Aníng bara sa ti'iít baraá gixsarihe, dabaaeé' in gáwtí tleés amór AAKOÓ MUNGÚ, kwarara/aarí nee tluwaywuú tlaa/eewo niri faakiyá', kuúng kari tsáhh adór yaamu tar awa AAKOÓ MUNGÚ.

AXWEESANOÓ SAGALOOA 27:1

Matlo mir axweesaar Asma looár laarí adór ir dat a xu'uká.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

DABE 3:24

‹Aá, AAKOÓ MUNGÚ, anuú sagadiyusmoowók a xuú' adór kuúng ira sangw aleesleemuuwók oo úr i laqaán. Asma a mungú gaalá gawaá dooriwo, laqaá baraá yaamuwo oo muruú urén nee oo waa/oo/amo oo adór kwí tleehharo gu aleesláw, kwí kuúng taa tlehhít?

DABE 32:31

Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

DABE 4:39

Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.