TI'INAANGW 7:23 - Biblía Axweesantá Hhohho' ar Mungú 2004

²³ Farao iri warqáy iri waátl amór do'ós, tam tí sleeme gaa gaárí xuiiká.

TI'INAANGW 7:23 Iomraidhean Croise

YOBU 7:17

Hee a gár milá, mus sadaawimít, ahaá waáy muhar gár wa tsatsahhaán.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 7:24

Múk Misri sleémeero afaá yaaér Nili kiri qorqorín as ma'aá wahaangw kiwa slay, asma ma'aá yaaér Nili waha ngiwa ya/ana'aaká.

TI'INAANGW 9:20

Geeraharuuseedá' axweesantá Mungú ga ilaiwawa/aa/, lawaaler'ín ngiri harakeesiyé' nee makay'ín kudá' ta de'ena as kiwa daafi.

TI'INAANGW 9:21

Ala geeraharuuseedá' axweesantá Mungú ga hhaslitaaká lawaaler'ín nee makay'ín kudaá de'eengo ngiri mayé' baraá xatsa.

AXWEESANOÓ SAGALOOA 22:17

Iia qaaseek as axweesanoó sagalooa kuwa axas, nee inslawaywók diirí ki/isang as axweesanoó xu'uti kuwa sleer.

AXWEESANOÓ SAGALOOA 24:32

Aníng nari xumiís ala ale kaangwí nguri aldaákw, alhhe'eesaywo intsaahhatisa ngari sláw.

AXWEESANOÓ SAGALOOA 28:14

Heé amohhoó' a kudá' AAKOÓ MUNGÚ gu ilaiwawaá/ daqisleém, Ala heé muunaáwós gwa gawdees in qeqtín.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

ESEKIELI 40:4

Naagáy iri báy, «Heewí, axáy, ló'wa qaytsiít nee iia qaasa hhe'eeseek. Axáy, ló'wa magaáhh umuú gár ni dirógií laqaama ara hhe'eeseek. Asma kuúng tuna diirií huúw as uwa gaarií laqaam. Múk Israeli ku afoorí ilaharís daanduú tidá' taa aandi.»

HABAKUKI 1:5

«Baraá xoordu i qaytsitaak, daqaní ta waa/o/á' nee ta samqaarutá', asma aníng gadiyérka a tleéhh dír kuungá' tar slafíngwí kahha', gadiyér kuungá' ta haratlintia'aaká tam kingi ooi.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.

1 SAMUELI 4:20

Tam qoomár iwa istá gwa'arárií diri', /ameenadá' gaa aslaeer, gari beér, «Ma da'iimitaar, asma na/oó garma ugwa xwayluúr.» Ala inós axweesantadá' ga tlaxwká, tam gaa gaárí xu'uká.