TI'INAANGW 7:19 - Biblía Axweesantá Hhohho' ar Mungú 2004

¹⁹ AAKOÓ MUNGÚ Mose guri báy, «Aroni ku beer, ‹Hhartók taatahheek, gáwtí tleeseek gawaá ma'aá yaamaá Misri, gawaá ya'aá Misri nee mapeero, nee tlahheeso, nee tlahheesooín sleémeero awa taa tlehhiiti, sleémeero niri tseerdu tleehhitiyá' baraá yaamaá Misri sleémeero, tam kudaá baraá xooslaá xaai nee awa tlaa/eewo.› »

TI'INAANGW 7:19 Iomraidhean Croise

IIMU/UUNGW 1:10

Mungú didá' kaahaar gari báy Yaamu, didá' ma'aay ni burumburiitiyé' gari báy Tlawi. Mungú adoodá' aa tleéhh gari ár naxés ka hhoohhoo'.

2 WAAWITÁ 4:29

Gehasi guri báy, «Siinootiím, are hhartaeé' tisíng huweek, gaanslár tlaw. Ma sihhiitaar, baraá loohiro hee mu laaw'eesaar, tam heé kuúng ugwa laaw'ees baraá loohiro ma ilawatsaar. Humaamísh amór do', hhartaeé' tí qaaseek gawaá gitsee/aá na/aay.»

TI'INAANGW 10:12

Aluuwo AAKOÓ MUNGÚ Mose guri báy, «Dakók tleeseek gawaá yaamaá Misrírí alé, as kahhó' ingigi niwa hardat baraá Misri, nee xaai sleémeero awa baraá yaamuuín, kudá' taa meetiís nee tluwayduú tlaa/e ngiwa /ak.»

TI'INAANGW 10:21

Aluuwo AAKOÓ MUNGÚ Mose guri báy, «Dakók gawaá doorí tleeseek, as kahhó' ma/ami yaamaá Misri ngiwa ot, ma/amír aa qipit tidá' hee iwa tararahhamiiti.»

TI'INAANGW 14:16

Kuúng hhartók gáwtí tleeseek, ka looloqós gawaá tlawi, ka qasís, múk Israeli tlawi ngi tla/a waaraahhi ar baraá yaamaá kaahaar.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 14:26

AAKOÓ MUNGÚ Mose guri báy, «Dakók looloqooseek gawaá daanduú tlawi, as ma'aay niwa ki/iya' gawaá múk Misri, nee gawaá gaarduuín, nee gawaá mukdá' gaardaá madiít!»

TI'INAANGW 4:9

Ala barnaxés inooín naa haratlinti'ii'iiká layuuká' tsare, laqaá kuúng ugwa iiárií qaasi'iiká, daqaní ma'aá yaaér Nili ki iihhék, ki ku'ús baraá yaamaá kaahaar. Nee ma'aydá' taa iihhek baraá yaaér Nilír wa alé, i tseere tleehhitiyá' baraá yaamuudá' kaahare.»

TI'INAANGW 8:16

Aluuwo AAKOÓ MUNGÚ Mose guri báy, «Aroni ku beer, ‹Hhartók gáwtí tleeseek, hhapér yaamú slahheek, daqaní hhapeesíng iri kwasiyaangw tleehhít baraá yaamaá Misri sleémeero!› »

TI'INAANGW 9:33

Naagáy Mose iri dír Farao wa tláy, iri tsee/aá gixsárí ti'iít, dabaawós giri amór AAKOÓ MUNGÚ i tleés. Tluwayduú tlaa/e nee kwarara/arose niri faakiyé', tluwaay iri sangw malé tluwiiká baraá yaamuwo.

ISAYA 19:10

Kudá' sleémeero tlabaá tlehhaahhitá kuri amoqwaarees, nee mukdá' sleémeero ta bu'un tlaatla/ángw wák tari gurhaamuut.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.