TI'INAANGW 7:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ i kaahi, ‹Ar tlehhmuuwihe kuúng aníng i tsáhh adór tar AAKOÓ MUNGÚ, ga/aaweek aníng ar hhartí dakw'eene ni kooma ma'aykaá yaaér Nili i slaáhh, niri tseere tleehhitiyá'.

TI'INAANGW 7:17 Iomraidhean Croise

1 WAAWITÁ 20:28

Heé Mungú iri tseewúy dír waawutmoó Israeli guri báy, «AAKOÓ MUNGÚ i kaahi, asma múk Aramu i kaahi, ‹AAKOÓ MUNGÚ a munguú gawaá tlom'i, a munguú baraá yaamaá xatstooká.› Gawaá adoorihe aníng kuúng u baalír i haniís dír slaqwaruusér yaariir ar Aramu, nee kuúng kay tsáhh, adór aníng tar AAKOÓ MUNGÚ.»

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

WARA'AMI 105:29

Ya'aá yaamuudá' giri warqeés tawa tseere, siyoóín sleémeero guri tsuú/.

WARA'AMI 78:44

Ma'aá yau baraá ayaadae gina tseere tleéhh, as múk Misri ma'aydá' mingiwa wahán.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

TI'INAANGW 10:2

As kahhó' kuungá' na/iihúng kiwa kaangwí beera', nee na/aá nangwhúng, adór aníng múk Misri ngura niqís nee layuudá' naa baraá tla/angw'ín wa tleéhh, as kahhó' kawa xua' adór aníng tar AAKOÓ MUNGÚ.»

TI'INAANGW 4:9

Ala barnaxés inooín naa haratlinti'ii'iiká layuuká' tsare, laqaá kuúng ugwa iiárií qaasi'iiká, daqaní ma'aá yaaér Nili ki iihhék, ki ku'ús baraá yaamaá kaahaar. Nee ma'aydá' taa iihhek baraá yaaér Nilír wa alé, i tseere tleehhitiyá' baraá yaamuudá' kaahare.»

TI'INAANGW 5:2

Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

TI'INAANGW 7:20

Mose nee Aroni adoodá' AAKOÓ MUNGÚ aa oó' kari tleéhh. Hhartós gari gáwtí tleés, ma'aá yaaeedá' giri slaáhh dír geeraá Farao nee geeraharuuseerós wa ale, ma'aydaá baraá yaae niri tseere tleehhitiyé'.

TI'INAANGW 7:5

Qoomár án dakw'eé' bura tleés gawaá múk Misri, nee muk'eé' oo Israeli nguri baraá tla/angw'ín wa duúx, múk Misri gari tsaahh adór aníng tar AAKOÓ MUNGÚ.»

ESEKIELI 25:17

Aníng li/aay un buú' ar xarasleema nee mune. Diirí an didá' aníng iwa tsaahhiya' adór tar AAKOÓ MUNGÚ, qoomár bar li/ay'eé' ugwa gawaaíní buú'.»

ESEKIELI 29:9

Asma kuúng ana ó' yaaér Nili a tók, kwaáo', kuúng ana tléhh. Ala yaamuuwók Misri tari darmuú tawo nee xaanxaay. Daqaní muu gari tsaahh adór aníng tar AAKOÓ MUNGÚ.

ESEKIELI 30:19

Adoorí an adór múk Misri ngur sakwasleemuút. Nee muu gari tsaahh adór aníng tar AAKOÓ MUNGÚ.»

ESEKIELI 30:8

Aníng yaamaá Misri bira ásltí qaás nee ayeemoodá' sleémeero ngi alee/iimisá' bira qwaareés. Daqaní ngi tsaahhiyá' adór aníng tar AAKOÓ MUNGÚ.

ESEKIELI 32:15

Qoomár yaamaá Misri bira xaanxay tleéhh nee daqaari'iimarós sleémeero barka ar tláy, nee yaamuloouuseerós sleémeero bara tsuú/, inooín daqaní ngi tsaahhiyá' adór aníng tar AAKOÓ MUNGÚ.

ESEKIELI 32:6

Aníng tseereerók a ku'uús ay gawaá tlom'i, nee duxe ngiri dalaá/ tseereroge.

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

ESEKIELI 39:28

Daqaní ngiri tsaahhiyá' adór aníng tar AAKOÓ MUNGÚ, Munguúín, asma aníng ina tlatlahhaás baraá tla/ángw xoordaá hatlá', nee ngiri male ki/ís baraá yaamuuín. Tam heé wák u geexawaaká baraá tla/ángw xoordaá hatlá'.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

Geehhoeemaá 11:6

Lamabu'uuseerí i hara'ayár koón ar doori ngiwa tsek, as tluwaay miwa tluúw qoomaadár aaru'uumar'ine. Nee slám i hara'ayár koná' ar ma'aay kiwa tseere tleehhi nee yaamu ngiwa muxiya' ar umuúqo muxtaaro ar qoomaadá' inooín ta slai.

Geehhoeemaá 8:8

Malaykamoó tsár tarumbeéta gari ufaáhh. Gár adór tloomár ur ar asltá wa oh kari kwaáhh baraá tlawi. Bartá wák baraá baduudá' tám awa tlawto iri tseere tleehhít.