TI'INAANGW 7:13 - Biblía Axweesantá Hhohho' ar Mungú 2004

¹³ Tam adoorihe muunuú Farao iri ak gawdúy, inooín giri iiárií qaasiiká, ar adoodá' AAKOÓ MUNGÚ ngira oó'.

TI'INAANGW 7:13 Iomraidhean Croise

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

TI'INAANGW 10:1

AAKOÓ MUNGÚ Mose guri báy, «Tláw amór Farao, asma aníng inós nee geeraharuuseero iga mune gawdeés, as kahhó' án layuuká' ngiwa baraá tla/angw'ín wa laqaam.

TI'INAANGW 10:20

Ala AAKOÓ MUNGÚ muunuú Farao guri gawdeés, múk Israeli guri geemayká.

TI'INAANGW 10:27

Ala AAKOÓ MUNGÚ muunuú Farao guri gawdeés, inós iri sií' múk Israeli geemawto.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 4:21

AAKOÓ MUNGÚ Mose guri báy, «Qoomár bar aga kí/ baraá yaamaá Misri, qaytsiít tlehhmi'iidaá sleémeero awa waa/oo/amo, kudá' aníng kuúng uwa aleesleemúy haniís, tleehheek dír Farao wa ale. Ala aníng muunaáwós u gawdeés, nee inós kuungá' nu geemayká.

TI'INAANGW 7:12

Umuúqo heewo oo qwaslaarmo didae hhartós gari yaamií kwaáhh, hhadoodá' niri dayshe tleehhitiyé'. Ala hhartidár Aroni hhadoodá' giri gu/uún sleémeero.

TI'INAANGW 7:14

AAKOÓ MUNGÚ Mose guri báy, «Muunuú Farao ku ló'wa boó/, inós aa ló'wa sií' muu nguwa geemay.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:11

Aamaxupa in mét diroge nee dír do'oge, nee dír geeraharuuseero nee dír mukoge, iri mét baraá yaaér Nili.»

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:28

Naagáy Farao iri oó', «Aníng kuungá' nu geemáw as ilahhooár muruú ta tsu/i kawa haniisár eera' dír AAKOÓ MUNGÚ, Munguúhúng baraá xaanxáy ale, ala ma ak saweesara'. Aníng aleefiriimaré'!»

TI'INAANGW 9:12

Ala AAKOÓ MUNGÚ muunuú Farao guri gawdeés, as inós inooín ngiwa iiárií qaasiiká, adoodá' AAKOÓ MUNGÚ ngira oó'.

TI'INAANGW 9:35

Naagáy Farao muunaáwós guri ak gawdeés, múk Israeli geemawto iri sií', adoodá' AAKOÓ MUNGÚ ngira oó' dír Mose.

TI'INAANGW 9:7

Farao muu guri ya/aáw as makaá múk Israeli kiwa artá ay, naxés tam makiito'ór wák ar aa gwa' i káhh. Ala Farao muunaáwós guri gawdeés, múk Israeli gwa geemayká.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

1 SAMUELI 6:6

Ala waáy munerhúng mas gawdemisá', adór mukduú Misri nee Farao muner'ín kara gawdeés? Alaá Mungú múk Misri nguwa slahh'eemiís, xáy mukduú Israeli kwa geemaykáhe?