TI'INAANGW 6:7 - Biblía Axweesantá Hhohho' ar Mungú 2004

⁷ Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

TI'INAANGW 6:7 Iomraidhean Croise

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

1 WAAWITÁ 20:28

Heé Mungú iri tseewúy dír waawutmoó Israeli guri báy, «AAKOÓ MUNGÚ i kaahi, asma múk Aramu i kaahi, ‹AAKOÓ MUNGÚ a munguú gawaá tlom'i, a munguú baraá yaamaá xatstooká.› Gawaá adoorihe aníng kuúng u baalír i haniís dír slaqwaruusér yaariir ar Aramu, nee kuúng kay tsáhh, adór aníng tar AAKOÓ MUNGÚ.»

1 WAAWITÁ 8:60

Daqaní múk baraakaá yaamu sleémeero gari tsaahh adór AAKOÓ MUNGÚ tar Mungú, oo hatlá' i kaahh.

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 81:6

Huwaá gawaá suumarók ina aweeriís, lakwantír gawaá dabaawók ngiri hingeés.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 14:18

Nee múk Misri aníng iri tsaahhiyá' adór aníng tar AAKOÓ MUNGÚ, qoomár Farao nee gaarduuwo nee mukdá' farsuú madiita aníng bira xirfúr ayé'.»

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 16:12

«Aníng qununu/oó múk Israeli ugwa axaás. Inooín ki beer, ‹Qoomár tsiindoowo fu'unaay in /agá', nee matlaatleero gur'e an dala/aandá' mikaáteero. Daqaní kuungá' kari tsahhá' adór aníng tar AAKOÓ MUNGÚ Munguúhúng.› »

TI'INAANGW 16:6

Aluuwo Mose nee Aroni muu kuri báy, «Tsiindoowo a tsahhá' adór AAKOÓ MUNGÚ tar kudá' kuungá' naa duúx baraá yaamaá Misrír wa ale.

TI'INAANGW 2:11

Alaá Mose iwa uráy, looarka wake ina amór mukós káy, naxes gina ár adór kira /uurutimís baraá gadiyér gawít i ale. Heé wák oo Misri guri ár i heé muux, oo xooroorór ar Ebrania.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 7:17

AAKOÓ MUNGÚ i kaahi, ‹Ar tlehhmuuwihe kuúng aníng i tsáhh adór tar AAKOÓ MUNGÚ, ga/aaweek aníng ar hhartí dakw'eene ni kooma ma'aykaá yaaér Nili i slaáhh, niri tseere tleehhitiyá'.

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 51:15

Aníng a AAKOÓ MUNGÚ, Munguúwók, aníng tlawi an /eera gaás nee gwaanduú ma'aay iri /orootl. Umuueé' an AAKOÓ MUNGÚ Aleesleemusmo.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

YEREMIA 30:22

Daqaní kuungá' a muk'eé', nee aníng tari Munguúhúng.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

ESEKIELI 20:19

Anuú AAKOÓ MUNGÚ an Munguúhúng, kaahir'eé' na eeharaak, nee daber'eé' na harmagahhaak ooharo,

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 11:45

Asma aníng an AAKOÓ MUNGÚ, kudá' kuungá' naa duux baraá yaamaá Misrír wa ale, as niwa Munguúhúng tleehhiit. Gawaá adoorihe ti hhoohhooese', asma aníng ti hhoohhoó'.»

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

FAARO 15:41

Aníng an AAKOÓ MUNGÚ, Munguúhúng kudá' naa duux baraá yaamaá Misrír wa ale, as tawa Munguúhúng. Aníng an AAKOÓ MUNGÚ, Munguúhúng.»

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 26:18

Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 29:12

Kuungá' a diirí as lo'o kawa /aga' ar tawa data' baraá alqadór AAKOÓ MUNGÚ, Munguúhúng laarí.

DABE 29:13

Inós laarí kuungá' nu gawdes tawa mukós, nee inós tari Munguúhúng, adoodá' ngira lo'ór wa /aáy dír kuungá' nee baabi'iihúng, Abrahamu, nee Isaka nee Yakobo.

DABE 29:5

Gawaá har afiqoomár kureeraá mibeeraá tsiyahhe, Mungú kuungá' nuna geerahaár baraá xaanxaywo, tlabaahúng kudá' taa dahasé' naa slaxarumiti'iiká, laqaá ya/ataahúng naa harfarkini'iiká baraá ya'ahunge.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.