TI'INAANGW 6:6 - Biblía Axweesantá Hhohho' ar Mungú 2004

⁶ Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 6:6 Iomraidhean Croise

1 WAAWITÁ 8:42

(asma múk xoordaá hatlá xirfuuwók ngu axaasiyá' nee aleesleemuuwók nee /uuruuwoge,) heewí birna hardáh, kuúng uri firín baraá do'owí wa alé,

2 WAAWITÁ 17:36

Anuú AAKOÓ MUNGÚ na sluufmiisaré'. Anuúdá' kuungá' naa tuu/ baraá yaamaá Misriro ar dakw'eé' kudá' /uuruú koóm, nee aleesleemuú yaariír, na i tumbarara'ataré' nee ilahhooár muruú ta tsú/í hanmisaré'.

1 QOM'I 17:21

Xoorór adór mukók oo Israeli baraá yaamuwo a gaalá, ar Mungú aa ba/amisár áy as tawa mukós? Kuúng umuuwók una iia tleerés, muruú urén nee oo dae tlaáq kuwa tléhh, qoomár xoordu kiwa geeraá mukók wa tlatlahhás, kudá' taa ba/amís baraá yaamaá Misrír wa ale.

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 77:16

Mungú, kuúng ma'aay una ariyé', ma'aydá' ugwa ariyé' nari da'ayuutiyé', iloodaá ma'aay nari daaraxaatiyé'.

WARA'AMI 81:11

Ala muk'eé' afor'eé' ngaa axaasi'iiká, tam múk Israeli i slaiiká.

WARA'AMI 81:6

Huwaá gawaá suumarók ina aweeriís, lakwantír gawaá dabaawók ngiri hingeés.

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:16

Tlehhmuusíng iri adór mulkír gawaá dakók tleehhiit, laqaá ar gawaá gitsee/a, ar ti inslawtamis adór atén AAKOÓ MUNGÚ tira baraá yaamaá Misrír wa tuú/ ar dákw /uuruú koóm.»

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 15:13

Kuúng mukók oo taa ba/amís una geerahát ar sla'aarirók tidá' warqawaaká. Ina geerahát ar /uuruuwók ay didá' hhoohhoo' ar hotaawók.

TI'INAANGW 16:6

Aluuwo Mose nee Aroni muu kuri báy, «Tsiindoowo a tsahhá' adór AAKOÓ MUNGÚ tar kudá' kuungá' naa duúx baraá yaamaá Misrír wa ale.

TI'INAANGW 18:1

Kaahamusmoó yaamaá Midiani oo ta bay Yetro, inós a taatoó harér Mose, kángw muruudá' Mungú aa tlehhaahhiít dír Mose nee xoorór Israeli, nee adór kingira duúx baraá Misrír wa ale, ngiwa axaás,

TI'INAANGW 2:11

Alaá Mose iwa uráy, looarka wake ina amór mukós káy, naxes gina ár adór kira /uurutimís baraá gadiyér gawít i ale. Heé wák oo Misri guri ár i heé muux, oo xooroorór ar Ebrania.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

TI'INAANGW 6:2

Naagáy Mungú Mose guri báy, «Aníng a AAKOÓ MUNGÚ.

TI'INAANGW 6:29

AAKOÓ MUNGÚ Mose guri báy, «Aníng a AAKOÓ MUNGÚ, axweesanaydá' sleémeero ugwa báw ooeek dír Farao.»

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

TI'INAANGW 7:4

Farao kuúng u iiárií qaasiiká, ala aníng dakw'eé' u gáwtí tleés, yaamaá Misri ngiri slaáhh ar xarasleema, muk'eé' oo Israeli ar adoodá' daqooráy'ín i dirii'i nguri duúx baraá yaamaá Misrír wa alé ar tlehhma'aá uren awa sakwasleema.

TI'INAANGW 7:5

Qoomár án dakw'eé' bura tleés gawaá múk Misri, nee muk'eé' oo Israeli nguri baraá tla/angw'ín wa duúx, múk Misri gari tsaahh adór aníng tar AAKOÓ MUNGÚ.»

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

YEREMIA 32:21

Kuúng múk Misri una dae tsát ar layuudá' nee waa/oo/amoodá' taa tléhh, nee mukók oo Israeli nguri dúx ar /uuruuwók, nee aleesleemuwók kudá' úr,

ESEKIELI 20:33

«Adoodá' aníng nir hotaatima, anuú Aakoó MUNGÚ lo'o aga /aáy, ana oó', ‹Aníng kuungá' nu sawaawuti'iím ar dakw'eé' oo ló'wa /uuruú koóm ar xarasleema, nee nuri i buúhh.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 11:2

Kaangwí ló'wa aldakutaak, asma na/iihúng kaangwí ngu xuiaaká, laqaá muxtár Mungú nga ari'iiká, nee aleesleemuwose nee /uuruuwose,

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 26:8

Naagáy AAKOÓ MUNGÚ, atén tiri duúx baraá yaamaá Misrír wa ale ar /uuruuwós, nee ar dakós kudá' aa tleés, nee ar dae tlaqa, nee ar aleesleemu, nee layu nee muruú waa/oo/amo.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 7:19

Inslawaak muxtaadá' tlakw ilahunge taa aandé', muruú waa/oo/amo nee layudá' uren, nee /uuruú úr nee aleesleemuú úr kudá' AAKOÓ MUNGÚ, Munguúhúng ira gadiyuús qoomár nuwa baraá yaamaá Misrír wa tuú/. Adoorí an adoodá' i tleehhi dír mukdá' kuungá' ta da'ayumiita'.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

DABE 9:29

Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »