TI'INAANGW 6:5 - Biblía Axweesantá Hhohho' ar Mungú 2004

⁵ Dinkwa nee tisinge aníng /aa/aá xoorór Israeli iga axaás, kudá' taa /uurutís baraá lawaali'iima nee múk Misri, nee aníng alqador'eé' aga insláw.

TI'INAANGW 6:5 Iomraidhean Croise

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

IIMU/UUNGW 9:15

aníng alqador'eé' an insláw, tidá' naa haniís dír kuungá' nee umuúqo gár slafa. Ala tluwoó da/tén i baloó tluwiiká as umuúqo gár slaaf ngiwa hhitin.

WARA'AMI 105:8

Inós alqadoorós ga baloó gunqaresiiká ay kureeraá kureér, hara'ayaarós tidá' aa oó' gan boo/eemaamiis umuúqo qarto.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 5:4

Ala waawutmoó Misri Mose nee Aroni giri báy, «Aá Mose nee Aroni, ahaá waáy, gár muu kus baraá gadiyér'ín wa hingeemisa'? Kuungá' baraá gadiyerhúng tidá' gawit nay ki/aak!»

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

Luka 1:54

Lawaalmoowós Israeli ngwa alee/iisár áy. Gurtleemuuwós gwa insláy,

Luka 1:72

Baabi'iirén gina gurtleemuú wa ár, alqadoorós tidá' hhoohhoo' gari insláy,