TI'INAANGW 6:4 - Biblía Axweesantá Hhohho' ar Mungú 2004

⁴ Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 6:4 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 17:13

oo taa laqwaál dír do'ók wa ale, nee oo taa tlaáxw ar peésarók, masók aqo kun hheehhe'ees, nee daqaní tari layár alqado gawaá slaqoohunge, tawa alqadór alhhe'eesay wasl.

IIMU/UUNGW 17:4

«Aníng alqador'eé' ngi dirógií tleéhh, kuúng a baabuú xoordaá yaariir tleehhít.

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 6:18

Ala án kuúng u alqadór i haniís. Kuúng an dát baraá miringamo nee na/iiwók nee hareerók, nee tlaawoó daaqaywók.

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

WARA'AMI 105:11

Giri báy, «Yaamaá Kana'ani ngi haniís tari yaamuuhúng awa ta ala'.»

WARA'AMI 105:12

Qoomár múk Mungú kuwa ureeká, tawa dahaaye baraá yaamaá Kana'aniro,

TI'INAANGW 13:4

Laarí slahhaangwí ta bay Abibu niwa ti'iít kuungá' an tleera' baraá yaamaá Misrír wa ale.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

FAARO 10:29

Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.