TI'INAANGW 6:26 - Biblía Axweesantá Hhohho' ar Mungú 2004

²⁶ Aroni nee Mose an múk AAKOÓ MUNGÚ aa báy, «Múk Israeli duuxare' baraá yaamaá Misriro ar adoodá' daqooráy'ín i dirii'i.»

TI'INAANGW 6:26 Iomraidhean Croise

IIMU/UUNGW 2:1

Ala Mungú doori nee yaamu nee muruuwós sleémeero gay adoorír hhe'eés tleehhamooro.

1 QOM'I 6:3

Na/aá Amramu a kuká': Aroni, nee Mose, nee Miriamu. Daaqoó Aroni a Nadabu, nee Abihu, nee Eleasari, nee Itamari.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 13:18

As adoorí Mungú inooín gina geerahaár ar loohír harweeramo ar baraá xaanxaay, tidá' aa amór tlawtá Shamúr xu'. Xoorór Israeli iri tleér yaamaá Misrír wa ale taa amohhe'eesiyé' slaqwaraaro.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

TI'INAANGW 6:13

AAKOÓ MUNGÚ nee Mose nee Aroni tari axweés, giri ádbáy múk Israeli kuwa i daqay nee waawutmo Farao oo Misriro, as múk Israeli nguwa duuxi baraá yaamaá Misriro.

TI'INAANGW 6:20

Amramuwí hho'ór baabuúín Yokebedi gari duúx, nee inós Aroni nee Mose giri laqwál. Kureeraá Amramu aa hoót a tsiru nee mibeeraá tám nee faanqw.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

TI'INAANGW 7:4

Farao kuúng u iiárií qaasiiká, ala aníng dakw'eé' u gáwtí tleés, yaamaá Misri ngiri slaáhh ar xarasleema, muk'eé' oo Israeli ar adoodá' daqooráy'ín i dirii'i nguri duúx baraá yaamaá Misrír wa alé ar tlehhma'aá uren awa sakwasleema.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 33:1

Adoorí an adór xoorór Israeli ira hi'iimít iimír niwa yaamaá Misrír wa tlayé' ar daqooráy, nee kingiwa geeraharahari nee Mose nee Aroni.

YOSHUA 24:5

Aluuwo aníng Mose nee Aroni ngiri ya/aáw, yaamaá Misri ngiri muúx ar tlehhmi'iidá' naa tleéhh baraá ayaadá' wa ale, kuungá' nuri duúx baraadá' wa ale.

1 SAMUELI 12:6

Samueli muu guri báy, «AAKOÓ MUNGUÚDÁ' Mose nee Aroni gaa tsawaar, inósuudá' baabi'iihúng ngaa tuu/ baraá yaamaá Misrír wa alé, an lamabu'usmo.

1 SAMUELI 12:8

Qoomár Yakobo iwa dáh baraá yaamaá Misri, baabi'iihúng AAKOÓ MUNGÚ nguna i /aa/aminé', AAKOÓ MUNGÚ Mose nee Aroni giri ya/aáw, asma inooín kina slahh'eemiís nee múk Misri, inooín baabi'iihúng kingiri duúx baraá Misrír wa alé, kingiri qaás baraá yaamuuká'.