TI'INAANGW 6:2 - Biblía Axweesantá Hhohho' ar Mungú 2004

² Naagáy Mungú Mose guri báy, «Aníng a AAKOÓ MUNGÚ.

TI'INAANGW 6:2 Iomraidhean Croise

IIMU/UUNGW 15:7

Guri malé báy, «Aníng a AAKOÓ MUNGÚ, kuúng una huúw iimír yaamaá Urír wa alé ar múk Kaldayo, as yaamuká' ngiwa kuúng i haniis kiwa al.»

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

TI'INAANGW 14:18

Nee múk Misri aníng iri tsaahhiyá' adór aníng tar AAKOÓ MUNGÚ, qoomár Farao nee gaarduuwo nee mukdá' farsuú madiita aníng bira xirfúr ayé'.»

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

TI'INAANGW 17:1

Xoorór Israeli sleémeero iri baraá xaanxoó Sínír wa lót, inooín nina hara loohi qaqatiné' ar adoodá' AAKOÓ MUNGÚ ngira hara'ayín. Xafaay nguri tleehhiye' dirka ta bay Refidimu. Ala ayaadae ma'aá wahaangw i kahhiyá'.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 3:14

Mungú Mose guri báy, «ANÍNG A DEER, KUDÁ' QAROÓ DAADÁW.» Guri báy, «Adoorí an adór ta o' dír múk Israeliwo, ‹Kudá' ta bay ANÍNG A DEER, iga amorhúng i ya/aáw.› »

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

TI'INAANGW 6:29

AAKOÓ MUNGÚ Mose guri báy, «Aníng a AAKOÓ MUNGÚ, axweesanaydá' sleémeero ugwa báw ooeek dír Farao.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 43:15

Aníng a AAKOÓ MUNGÚ, koohúng kudá' hhoohhoó' kuduú Tleehharusmoó Israeli, Waawutmoohúng.»

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

ESEKIELI 20:5

Ki beer, anuú Aakoó MUNGÚ a kah, ‹Baldá' múk Israeli nguwa tsawaár, xwaylár Yakobo ana lo'ór wa /aáy. Tina geehhooatís dir'ín i aleeró qoomár tawa baraá yaamaá Misri, lo'o ana /aáy, ana oó', Aníng a AAKOÓ MUNGÚ, Munguúhúng.›

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.