TI'INAANGW 6:12 - Biblía Axweesantá Hhohho' ar Mungú 2004

¹² Ala Mose AAKOÓ MUNGÚ guri báy, «Qaytsiít, muk Israeli aníng iga iiárií qaasiiká. Daxta alók an Faraówo oo aníng i iiárií qaás, anuúdá' axweesani qomeemesuwo ga xuaaká?»

TI'INAANGW 6:12 Iomraidhean Croise

TI'INAANGW 3:11

Ala Mose guri báy, «Aníng a heemá tam niwa amór Farao kaw, nee múk Israeli nguwa baraá yaamaá Misrír wa duux?»

TI'INAANGW 3:13

Mose Mungú guri báy, «Qaytsiít, aníng bara hardáh dír múk Israeliwo, nguwa baw, ‹Munguú baabi'iihúng aníng ina ya/aáw amorhúng,› inooín aníng bira yaahasiyé', ‹Umuuwós a heemá?› aníng mi báw?»

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

TI'INAANGW 6:13

AAKOÓ MUNGÚ nee Mose nee Aroni tari axweés, giri ádbáy múk Israeli kuwa i daqay nee waawutmo Farao oo Misriro, as múk Israeli nguwa duuxi baraá yaamaá Misriro.

TI'INAANGW 6:30

Ala Mose iri dír geeraá AAKOÓ MUNGÚ wa axweés, i kaahi, «Aníng bar heé axweesani qoomeemesuwo ga xuaaká, adór Farao aníng ir iiárií qaasi?»

TI'INAANGW 6:9

Mose múk Israeli guri ádbáy, ala inooín Mose ngwa iiárií qaasi'iiká as niwa munesi'iyé' as lawaali'iimár gawit.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 1:6

Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.