TI'INAANGW 5:6 - Biblía Axweesantá Hhohho' ar Mungú 2004

⁶ Baalaadár kilae Farao hara'aya gari oó' dír mukduú sagesihhtuusér muu, nee dír ga/aawuuseero, giri báy,

TI'INAANGW 5:6 Iomraidhean Croise

2 QOM'I 26:11

Usia sleeme i slaqwaruusér kón, tidá' taa amohhe'eés slaqwaraaro. Slaqwaruuse gaa qasiís baraá daqooró dimbadiimbé, inooín kaa gooín nee goousmo Yeieli, nee geeraharusmo Ma'aseya. Mukwí sleémeero kuna geerahaár nee Hanania, kuduú geeraharusmoó úr oo slaqwaruusér waawutmo.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 5:10

Mukduú sagesihhtuuse nee Ga/aawuusér muko tari tláy amór múk Israeli, kiri báy, «Waawutmo Farao ina oó', ‹Aníng kuungá' nu gitsoórí haniisaaká.

TI'INAANGW 5:19

Ga/aawuusedár múk Israeli ngiri tsaahhiyé' adór tar baraá slahh'amií dirii'i qoomár kiwa báy, «Faarór matofaáli ar umuú baala a /aaresa'aaká.»

TI'INAANGW 5:7

«Gitsoodá' ta matofaálírár tlehhaahhiti ma muksíng i hanisara', adoodá' qoomár geeraawo kara tlehhé', inooín ngi kilooín leelehhtuú aye'.

AXWEESANOÓ SAGALOOA 12:10

Heé hotaawós ganaá'á tam slafíngw hikwaawós gun gár i xuu'. Ala gurtleemuú heé tlaákw a xarasleema.

FAARO 11:16

Naagáy AAKOÓ MUNGÚ Mose guri báy, «Bariisér múk Israeli ar mibeeri faanqw burumbuurang, tidá' ta ilaiwawa/i nee ta slai geeraharuusér wa ale. Huwang dír heémár Mungú, ta sihhiiti bihhaawók i ale.

DABE 1:15

Gawaá adoorihe aníng geeraharuuse tidá' sageeloen nee fuqureeraá koom, nee mukdá' xu'utír koóm nguri qaás, kudá' kuungá' naa tsawdé' baraá tla/ángw tlahhi'iihunge, nguri qaás geeraharuuserhúng wa ale. Bahh'ale ngiri qaás as tawa geeraharuusér daqooró kume, nee múk tsiire, nee múk mibeeraá kooán, nee ar múk mibaangw. Muu bahh'ale una qaás as tawa geeraharuusér umuú tlahhaay.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

YOSHUA 24:4

Isaka nguri Yakobo nee Esauwí haniís. Esau nguri tlom'aá yaamaá Seirírí haniís tawa aalirós. Ala Yakobo nee na/iiwós nina /eetiyé' Misri.

YOSHUA 8:33

Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.