TI'INAANGW 5:3 - Biblía Axweesantá Hhohho' ar Mungú 2004

³ Inooín nguri bayé', «Munguú Israeli tina dirén i geehhooeés. Atén ti geemeer tawa aa'aá kawaan baraá xaanxaay deelo tame, as ilahhooár murú ta tsu/i ngiwa haniisár awaan dír AAKOÓ MUNGÚ Munguúrén. Bar adooriheeká inós atén tin tsuu/ ar tiqtír pu/i, laqaá ar slaqwara.»

TI'INAANGW 5:3 Iomraidhean Croise

2 WAAWITÁ 17:25

Qoomár mukduú geera iwa baraadá' i dáh, inooín AAKOÓ MUNGÚ ngwa haratlinti'i'iiká, gawaá adoorihe Mungú direeri giri ya/aáw, nee direeridá' muu bahh'ale nguri ohiné'.

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

ESRA 7:23

Umuúqo gár Munguú doori ni ooi as doó Munguú doori i tleehharut, as miwa buúhh daanduú waawuti'iimár waawutmo nee daaqaywose.

TI'INAANGW 3:18

«Inooín afoorók ngi axaasiyá', kuúng nee bariisér Israeli ta amór waawutmoó Misri keerá', ku beera', ‹AAKOÓ MUNGÚ, Munguú múk Ebrania, nee atén tina doogaán. Daxta u firiimaán, ya/aám haniisang tawa tlawaan deelo tám baraá xaanxaay, as ilahhooár muruú ta tsu/i kawa hanisaan dír AAKOÓ MUNGÚ Munguúrén.›

TI'INAANGW 7:16

Inós ku beer, AAKOÓ MUNGÚ, Munguú múk Ebrania, aníng iga amoorók i ya/aáw i kaahi, ‹Muk'eé' geemaaweek, inooín aníng i sluufmisuú aye' baraá xaanxaay. Ala ga/aaweek, kuúng tam ay hamí aga iialooeská.›

TI'INAANGW 8:1

Aluuwo AAKOÓ MUNGÚ Mose guri báy, «Tláw amór Farao ku beer, AAKOÓ MUNGÚ i kaahi, ‹Muk'eé' geemaweek as aníng iwa sluufmisuú aya'.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

TI'INAANGW 8:27

Gár hariím aqo atén an aa'aá kawaán deelo tame baraá xaanxaay, as ilahhooár muruú ta tsu/i ngiwa haniisár awaan dír AAKOÓ MUNGÚ, Munguúrén ar adoodá' atén taa báy.»

ESEKIELI 6:11

Aakoó MUNGÚ ina báy, «Tsa/i'i slahheek! Yaamu kala/eek tawa o', Tsaxwaahúng múk Israeli asma muruudá' tlákw taa tlehhahhité' sleémeero. Asma kuungá' a qatlá' ar paánga, nee qwari nee tiqtír pu/i.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

DABE 28:21

Inós kuúng' un tiqtír pu/tí huuw ay dír tay hhaan baraá yaamuudá' kuúng tay dahmaá eer as kiwa ala'.