TI'INAANGW 5:23 - Biblía Axweesantá Hhohho' ar Mungú 2004

²³ Iimír wa'aá geeraawo niwa hardáh dír Farao, niwa axwees ar umuuwók, inós mukwí guna adoorí tlaákwií tleéhh, nee kuúng tam adór niina ar taa tléhh i káhh ar mukók kuwa tu/.»

TI'INAANGW 5:23 Iomraidhean Croise

YOBU 22:17

Mukwí an kudá' Mungú gwa bay, ‹Atén ti meer.› tari oó', ‹Gár atén Munguú /uuruú koóm ti /iisi a mila?›

WARA'AMI 118:26

AAKOÓ MUNGÚ ngu tsuuqi kudá' hardáh ar umuuwós. Tsuuqa slawaak, kudá' amór doó AAKOÓ MUNGÚ dahhá'.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

YEREMIA 11:21

Gawaá adoorihe AAKOÓ MUNGÚ i kaahi daanduú múk Anatotiro, kudá' slafiingók ngu leelehhiitá', nee kaahá', Ma aaririmaar ar umuú AAKOÓ MUNGÚ, bar adooriheeká u gaasaán ar dabaarén.

Yohana 5:43

Aníng nina hardáh ar umuú Baabuúeé'. Ala án kuungá' i ilaohiinda'aaká. Heé hatlá' bar naa hardáh ar umuuwós, kuungá' heedá' u ilaotá'.