TI'INAANGW 5:2 - Biblía Axweesantá Hhohho' ar Mungú 2004

² Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

TI'INAANGW 5:2 Iomraidhean Croise

2 WAAWITÁ 18:35

Xáy, baraá munguaá yaamu sleémeerowo oo yaamuuwós gaa tuu/ gawaá dabaeene i deéro? Daqaní bir deer AAKOÓ MUNGÚ sleeme gixsár Yerusalemu ga ba/amis gawaá dabaeene.› »

2 QOM'I 32:14

Xáy, baraá munguiidaá xoordaá hatlá' sleémeero, kudá' baabi'iieé' naa ló'wa hhaamisiyé', munguú mukós gwaa aleesláy ba/amisaro gawaá dabaaeene i deéro? Daqaní doóqa Munguúhúng kuungá' nu aleesláy ba/amisaro gawaá dabaaeene.

2 QOM'I 32:15

Gawaá adoorihe Hesekia mu aleeya/aa/amaara' nuwa al/agin, nee nuwa qwaareemisi ar axweesanaysíng, sleeme mu haratlintatiaara'. Asma mungú tumu xooro gaalá, laqaá tumu waawuti'iima gaalahe, oo mukós gwaa aleeslay ba/amisaro i kaahh gawaá dabaaeene, nee gawaá dabaá baabi'iieene. Ala an qo Munguúhúng kwisinge oo kuungá' nu ba/amís gawaá dabaaeene!› »

2 QOM'I 32:19

Inooín tari axweés daanduú Munguú Yerusalemuwo kwaáo an adór munguaá xoordaá hatlá', awa taa tleéhh ar dabaá muu.

NEHEMIA 9:10

Layu nee muruú waa/oo/amoro ina tlehhít dír Farao nee sagadiyuuseerós nee dír múk yaamuudá' sleémeero, asma kuúng ana xú' adór bariiseerén ngira baramaanuusiyé'. Kuúng umuuwók kuri iia tleerés ay laarí.

YOBU 15:25

Asma dakós guna looloqoós amór Mungú, iri qiítl Munguú Aleesleemusmo si'imaawo.

YOBU 15:26

Ina haraatláy ar ti'íngw daara/aangw, bartaqae i gaambór guhhér yaariír kón.

YOBU 21:15

Tari oó', ‹Munguúsíng tawa kata' a aleesleemusmo, inós a heemá kuwa sagadiyusaan, nee ma slawaán inós bura firirimaán?›

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 12:4

kudá' kaahá', «Atén arba/ati a slawaán ar axweesantarén. Afeerén tin alee/ís, heé ti arbaá/ a heemá?»

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 14:1

Daktana i baraá muner'ín i kat, «Mungú i kaahh.» Inooín sleémeero taa hhitiruumiít. Heé hhooeemaá tlehhiít i kaahh.

TI'INAANGW 3:19

Aníng a xuú' waawtumoó Misri ya/aám ngi haniisiiká' tawa tleera', burkwa /uurutisiiká ar dákw /uuruú koóm.

TI'INAANGW 7:17

AAKOÓ MUNGÚ i kaahi, ‹Ar tlehhmuuwihe kuúng aníng i tsáhh adór tar AAKOÓ MUNGÚ, ga/aaweek aníng ar hhartí dakw'eene ni kooma ma'aykaá yaaér Nili i slaáhh, niri tseere tleehhitiyá'.

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

YEREMIA 42:13

«Hám ala kuungá' bar kata', ‹Atén metángw baraá yaamuuká' u sla'aanaká.› Nee afór AAKOÓ MUNGÚ, Munguúhúng iialooeesaro kari sié',

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

HAR'OHUUSE 2:10

Slám muu sleémeero oo qartadá' iwa faakiís, qartá hatlá' niri aluuín wa iitleér ar AAKOÓ MUNGÚ gu xuaaká, tam gadiyeédá' aa tleéhh as múk Israeli ngi xuiaaká.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,

1 SAMUELI 25:10

Nabali sagadiyuusér Daudi gari báy, «Daudi a heemá? Garmoó Yese a heemá? De'emakae sagadiyuusér yaariir aa diyaa/amaamít dír bariiser'ine!