TI'INAANGW 5:1 - Biblía Axweesantá Hhohho' ar Mungú 2004

¹ Aluudae Mose nee Aroni tari amór waawutmo Farao káy, kuri báy, «AAKOÓ MUNGÚ, Munguú Israeli, i kaahi, ‹Muk'eé' geemaweek, deelór ur ngi baraá xaanxáy wa tleehhiye' as aníng.› »

TI'INAANGW 5:1 Iomraidhean Croise

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 10:4

Barnaxes kuúng aga sí' muk'eé' geemawto, matlo aníng ingigi ngi tleés baraá yaamuuwók.

TI'INAANGW 10:9

Mose guri mu/aywaáts, «Atén an tlawaán nee masoombarene, nee bariiseero, nee daaqayrene, nee dasuurene. Hikwa nee bee/ango in huwaán, as AAKOÓ MUNGÚ Munguúrén kuwa deelór úr i tleehhaan.»

TI'INAANGW 3:18

«Inooín afoorók ngi axaasiyá', kuúng nee bariisér Israeli ta amór waawutmoó Misri keerá', ku beera', ‹AAKOÓ MUNGÚ, Munguú múk Ebrania, nee atén tina doogaán. Daxta u firiimaán, ya/aám haniisang tawa tlawaan deelo tám baraá xaanxaay, as ilahhooár muruú ta tsu/i kawa hanisaan dír AAKOÓ MUNGÚ Munguúrén.›

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

TI'INAANGW 4:23

Aníng kuúng un báw, garmaaeé' geemaweek as án iwa sluufmisuú ay. Barnaxes kuúng aga sí' kuwa geemeer, qaytsiít, aníng garmaawók oo baris u gaás.› »

TI'INAANGW 6:11

«Tláw amór Farao, waawutmoó múk Misri ku beer, ‹Múk Israeli geemaweek iwa ti'iitiya' baraá yaamuuwoge!› »

TI'INAANGW 6:27

Aroni nee Mose an kudaá kilá' nee waawutmo Farao oo Misri taa axwees, as múk Israeli nguwa baraá yaamaá Misrír wa duuxiya'.

TI'INAANGW 7:16

Inós ku beer, AAKOÓ MUNGÚ, Munguú múk Ebrania, aníng iga amoorók i ya/aáw i kaahi, ‹Muk'eé' geemaaweek, inooín aníng i sluufmisuú aye' baraá xaanxaay. Ala ga/aaweek, kuúng tam ay hamí aga iialooeská.›

TI'INAANGW 7:2

Umuúqo gár ugwa bawi kuúng kari ó', nee hhiyaawók Aroni gari oo' dír Farao, as múk Israeli nguwa geemay tawa ti'iiti baraá yaamuuwose.

TI'INAANGW 8:1

Aluuwo AAKOÓ MUNGÚ Mose guri báy, «Tláw amór Farao ku beer, AAKOÓ MUNGÚ i kaahi, ‹Muk'eé' geemaweek as aníng iwa sluufmisuú aya'.

TI'INAANGW 8:16

Aluuwo AAKOÓ MUNGÚ Mose guri báy, «Aroni ku beer, ‹Hhartók gáwtí tleeseek, hhapér yaamú slahheek, daqaní hhapeesíng iri kwasiyaangw tleehhít baraá yaamaá Misri sleémeero!› »

TI'INAANGW 8:17

Inooín adoodá' ngiri tleehhiyé', Aroni hhartós gari gáwtí tleés, teerír yaamu gari slaáhh, teeri sleémeero iri kwasiyaangw tleehhít, kwasiyaangw muu guri alnitsitsi'iít nee makaywo.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

TI'INAANGW 8:27

Gár hariím aqo atén an aa'aá kawaán deelo tame baraá xaanxaay, as ilahhooár muruú ta tsu/i ngiwa haniisár awaan dír AAKOÓ MUNGÚ, Munguúrén ar adoodá' atén taa báy.»

TI'INAANGW 9:1

AAKOÓ MUNGÚ Mose guri báy, «Tláw amór Farao, ku beer, AAKOÓ MUNGÚ, Munguú Ebrania, i kaahi, ‹Muk'eé' geemaweek i tlay as aníng iwa sluufmisuú aya'.

TI'INAANGW 9:2

Barnaxés geemawto aga sí' tari kumít ila/aango,

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

ESEKIELI 2:6

«Ala kuúng, heé, inooín mi da'ayumitaar, laqaá axweesanti'ín. Tam fuquráy nee laqayá' ugwa harweeri'i, laqaá tam xiiraawe ugwa harweeri'i, axweesanti'ín ma da'ayutaar nee mutuwa naáxw nee gitsee/er'ín, asma inooín an múk aa dee/anuut.

Matayo 10:18

Kuungá' tundu huuw dír geeraá ga/awuuse nee dír waawitá as aníng, asma lamabu'ungw'eé' kuwa dir'ín i oa', nee dír múk xoordaá hatlá'.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.