TI'INAANGW 40:9 - Biblía Axweesantá Hhohho' ar Mungú 2004

⁹ «Aluuwo heémár Mungú nee umuúqo gár baraawósí diriia nee xosluuwós sleémeero ka parátl, ar kawa iimbalax ar di/tá iimbalaxaangw, umuúqo gaaro iri hhoohhoouúr.

TI'INAANGW 40:9 Iomraidhean Croise

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

TI'INAANGW 37:29

Di/tá hhohho' ar iimbalaxaangw gari tleéhh, nee mooyángw tsuú' oo taa aleedoók nee gár adór mooyaangw.

TI'INAANGW 39:39

nee kitángw muqslír sirdaa/aat, nee muqslaadá' tsiiriihh ar sirdaa/aten, nee xaaiiwós kudaá loohiso, nee xosluuwós sleémeero, nee iimpér hamtlo, nee kitaangose,

TI'INAANGW 40:8

Daqaní koo/ír afeena ka sihhtís bihhe sleémeero nee afkú dahma ku inqwaarír i tareeré'.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ESEKIELI 28:14

Aníng keruúbi una tsawaár as kuúng uwa xun, kuúng ana hót gawaá tloomar'eé' tidá' hhoohhoó' wa alé, nee ana hi'imít baraá tlaa/aá qwiirii/á' wa ale.

TLAHHOÓ LAÁWI 8:10

Aluuwo Mose di/i gari taataáhh, heémár Mungú gari iimbalaáx nee umuúqo gár baraadá' i diriia, gari paraátl.

FAARO 7:1

Bál Mose heémaadá' hhoohhoo' tleehhamooro ngiwa hhe'eés, gana iimbalaáx ar di/i, nee gari paraátl dinkwa nee xooslaarós sleémeero as Mungú. Inós sleeme kitángw ilahhooa nee xooslarós sleémeero gina dí/tár iimbalaáx, giri paraátl as Mungú.

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

2 korinto 1:4

Inós atén tin gurkwa/amis baraá slahh'amuurén sleémeerowo, as kahhó' atén múk hatlá' nguwa gurkwa/asan baraá slahh'amuuine, ar gurkwa/amisuudaádá' atén tira gurkwa/amís nee Mungú.

Ebrania 9:21

Slám tseere gari malé hikimiís gawaá heémaadá' nee gawaá xoosla sleémeero ar tara gadiyuús baraá saaliingo.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.