TI'INAANGW 4:22 - Biblía Axweesantá Hhohho' ar Mungú 2004

²² Kuúng Farao ku beer: AAKOÓ MUNGÚ i kaahi, ‹Israeli a garmaaeé' oo baris.

TI'INAANGW 4:22 Iomraidhean Croise

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

TI'INAANGW 6:11

«Tláw amór Farao, waawutmoó múk Misri ku beer, ‹Múk Israeli geemaweek iwa ti'iitiya' baraá yaamuuwoge!› »

TI'INAANGW 7:16

Inós ku beer, AAKOÓ MUNGÚ, Munguú múk Ebrania, aníng iga amoorók i ya/aáw i kaahi, ‹Muk'eé' geemaaweek, inooín aníng i sluufmisuú aye' baraá xaanxaay. Ala ga/aaweek, kuúng tam ay hamí aga iialooeská.›

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 2:14

Xáy Israeli aqo lawaalmoówo? Kwa baraá lawali'iimár i laqwaáli? Ahaá waáy, inós daxta musku slakaat adór makiito'ór wa aleeró?

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

Matayo 2:15

Tari amoodá' wa hotaatín ay qoomár Herode iwa gwaá'. Adoorí ina tleehharút as /aymuudá' Aako aa oó' ar afkú aarusmo, iwa boo/i kudá' iwa oó', «Garmaaeé' una ateét niwa baraá yaamaá Misrír wa ti'iiti.»

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.