TI'INAANGW 4:21 - Biblía Axweesantá Hhohho' ar Mungú 2004

²¹ AAKOÓ MUNGÚ Mose guri báy, «Qoomár bar aga kí/ baraá yaamaá Misri, qaytsiít tlehhmi'iidaá sleémeero awa waa/oo/amo, kudá' aníng kuúng uwa aleesleemúy haniís, tleehheek dír Farao wa ale. Ala aníng muunaáwós u gawdeés, nee inós kuungá' nu geemayká.

TI'INAANGW 4:21 Iomraidhean Croise

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

WARA'AMI 105:25

Múk Misri guri wakuusér múk Israeli tleéhh, adór qoomaaká kay tleéhh dír sagadiyuuseerós.

WARA'AMI 78:43

Adór layuuwós ngira tleéhh baraá Misriro, waa/oo/amoorós baraá qamaá Soani.

TI'INAANGW 10:1

AAKOÓ MUNGÚ Mose guri báy, «Tláw amór Farao, asma aníng inós nee geeraharuuseero iga mune gawdeés, as kahhó' án layuuká' ngiwa baraá tla/angw'ín wa laqaam.

TI'INAANGW 10:20

Ala AAKOÓ MUNGÚ muunuú Farao guri gawdeés, múk Israeli guri geemayká.

TI'INAANGW 10:27

Ala AAKOÓ MUNGÚ muunuú Farao guri gawdeés, inós iri sií' múk Israeli geemawto.

TI'INAANGW 11:10

Mose nee Aroni tlehhmi'iikaá waa/oo/amo ngiri tleehhiyé' dír geeraá Farao wa alé, ala AAKOÓ MUNGÚ muunuú Farao guri gawdeés, nee inós múk Israeli gwa geemayká iwa tlay.

TI'INAANGW 11:9

AAKOÓ MUNGÚ Mose guri báy, «Farao kuúng u baloó iiárií qaasiiká, as tlehhmi'iieé' kudaá waa/oo/amo niwa tlahhiya' baraá yaamaá Misriro.»

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 14:8

AAKOÓ MUNGÚ muunuú Farao, waawutmoó Misri, guri gawdeés, inós múk Israeli guri aluú wa eehár, asma múk Israeli ina ti'iít ar pihh'uuma.

TI'INAANGW 3:19

Aníng a xuú' waawtumoó Misri ya/aám ngi haniisiiká' tawa tleera', burkwa /uurutisiiká ar dákw /uuruú koóm.

TI'INAANGW 3:20

Aníng dakw'eé' un gáwtí tleés, yaamaá Misri ngiri slaáhh ar waa/oo/amor'eé' sleémeero tidá' ni tleéhh tla/angw'ín wa alé, daqaní waawutmo nuri ya/ámár i haniis tawa tleera'.

TI'INAANGW 7:13

Tam adoorihe muunuú Farao iri ak gawdúy, inooín giri iiárií qaasiiká, ar adoodá' AAKOÓ MUNGÚ ngira oó'.

TI'INAANGW 7:3

Ala aníng muunuú Farao un gawdeés, tam tlehhma'aá waa/oo/amo nee layaá yaariir i tleehha baraá yaamaá Misriro.

TI'INAANGW 8:11

Aamaxupa in mét diroge nee dír do'oge, nee dír geeraharuuseero nee dír mukoge, iri mét baraá yaaér Nili.»

TI'INAANGW 8:15

Ala Farao tsiní ngiwa ár, muunaáwós guri gawdeés, inooín gaa sangw iiárií qaasiiká adoodá' AAKOÓ MUNGÚ ngira oó'.

TI'INAANGW 8:32

Ala Farao muunaáwós guri malé gawdeés, mukdá' gwa geemayká iwa tlay.

TI'INAANGW 9:12

Ala AAKOÓ MUNGÚ muunuú Farao guri gawdeés, as inós inooín ngiwa iiárií qaasiiká, adoodá' AAKOÓ MUNGÚ ngira oó'.

TI'INAANGW 9:35

Naagáy Farao muunaáwós guri ak gawdeés, múk Israeli geemawto iri sií', adoodá' AAKOÓ MUNGÚ ngira oó' dír Mose.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

ISAYA 63:17

Aá AAKOÓ MUNGÚ, ahaá waáy atén misti paslmís baraá lohduuwoge, muneerén masa gawdeemís kuúng uri ilaiwawa/anaaká. Ki/áng as daanduú sagadiyuuseerók. As tlahh'iidaá aaliirók.

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 9:18

Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.

2 korinto 2:16

Asma dír mukwí qwaqwadiima atén a adór mooyángw baraá gwa'arár daáhh, oo gwa'arár huwahuúw. Ala dír mukdá' ta ba/amiimisi atén a adór mooyángw baraá slafíngw daáhh, oo slafíngw huwahuúw. Ala heé muruuwí gu aleesláw a heemá?

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

YOSHUA 11:20

Adoorí an adór AAKOÓ MUNGÚ kilós aa slaá'. Mukduú xoordaá hatlá' guna mune gawdeés as kahhó' nee inooín tawa slaqwi. Ina tsabín kiwa gurtlayká, ala masók kin qororo'oos, ar adór AAKOÓ MUNGÚ ngira hara'ayín dír Mose.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.