TI'INAANGW 4:14 - Biblía Axweesantá Hhohho' ar Mungú 2004

¹⁴ Aluuwo AAKOÓ MUNGÚ Mose guri i buúhh, guri báy, «Ahaá Aroni hhiyaawók kuduú tlahhoó Laáwi i káhhi? Inós axweesani ga asláy. Qaytsiít, inós hám u al'áy. Qoomár inós kuúng bura ár, muunaáwós iri qwalaa/.

TI'INAANGW 4:14 Iomraidhean Croise

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

1 WAAWITÁ 11:9

Gawaá adoorihe AAKOÓ MUNGÚ, Munguú múk Israeli, Solomon guri i buúhh, asma inós AAKOÓ MUNGÚ, Munguú múk Israeli gwaa geexáy, handá' tam AAKOÓ MUNGÚ taa sagaáwa tsár wa doogii'i,

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

WARA'AMI 105:26

Aluuwo lawaalmoowós Mose guri ya/aáw, nee Aronidá' aa tsawaár guri ya/aáw.

TI'INAANGW 4:13

Ala Mose iri oó', «Aá Aakooeé', án kuúng u firiím, heé hatlá' ya/aaweek.»

TI'INAANGW 4:17

Kuúng hhartí dakoge ooheek, nee ar hhartihe layuuká' kiri tléhh.»

TI'INAANGW 4:27

AAKOÓ MUNGÚ Aroni guri báy, «Tláw baraá xaanxaay nee Mose ti doge'.» Aroni iri tláy, tiri doogiyé' baraá tloomár Mungú, guri ma'aás.

FAARO 12:2

tawa kaahi, «Ahaá AAKOÓ MUNGÚ aqo in axweési ar loohír Mose kilós? Ahaá aa axweesiikáhe ar loohír atén sleeme?» AAKOÓ MUNGÚ axweesantí gari axaás.

Tlehhema'aá ya/Abuuse 15:28

Asma Qeeruú hhoohhoó' oo Mungú nee atén axweesani aga tsataán as huwár hatlá' makawa daandeemoohúng i qaás, ala a har tidá' kuungá' wa hariim.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

YOSHUA 24:5

Aluuwo aníng Mose nee Aroni ngiri ya/aáw, yaamaá Misri ngiri muúx ar tlehhmi'iidá' naa tleéhh baraá ayaadá' wa ale, kuungá' nuri duúx baraadá' wa ale.

1 SAMUELI 12:8

Qoomár Yakobo iwa dáh baraá yaamaá Misri, baabi'iihúng AAKOÓ MUNGÚ nguna i /aa/aminé', AAKOÓ MUNGÚ Mose nee Aroni giri ya/aáw, asma inooín kina slahh'eemiís nee múk Misri, inooín baabi'iihúng kingiri duúx baraá Misrír wa alé, kingiri qaás baraá yaamuuká'.

1 SAMUELI 2:27

Looár wake heeko Mungú iri amór doó Eli káy, guri báy, «AAKOÓ MUNGÚ i kaahi, ‹Aníng tina xu'utís dír doó baabuúwók Aroni, qoomár tawa baraá Misrírí dirii'i, tawa lawaalér Farao.