TI'INAANGW 4:13 - Biblía Axweesantá Hhohho' ar Mungú 2004

¹³ Ala Mose iri oó', «Aá Aakooeé', án kuúng u firiím, heé hatlá' ya/aaweek.»

TI'INAANGW 4:13 Iomraidhean Croise

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 41:35

Sageesihhtuuseerí ádbaweek balaangw kuwa burumbuuri baraá kureeriiká' faanqw awa hardahá' awa axmuuwo. Balaangwí ku qaasi baraá kuuntáy, ala masók ibaraá baalirógí dirii'i, kuúng Farao, as tawa muruú /aymár múk gixsadu sleémeero nee sageesihhtuuse ngu amohhe'eemis.

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

TI'INAANGW 23:20

«Qaytsiít aníng malaykamo u geeraahúng wa ya/aáw as kuungá' nuwa xun, nee nuwa huwi ay baraá yaamuudá' naa amohhe'eés.

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 4:12

Daxta tláw, aníng kuúng u alee/iís gár ta oa, nee aníng gár kuúng ta o' ngi oó'.»

TI'INAANGW 4:14

Aluuwo AAKOÓ MUNGÚ Mose guri i buúhh, guri báy, «Ahaá Aroni hhiyaawók kuduú tlahhoó Laáwi i káhhi? Inós axweesani ga asláy. Qaytsiít, inós hám u al'áy. Qoomár inós kuúng bura ár, muunaáwós iri qwalaa/.

YEREMIA 1:6

Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Yohana 6:29

Yesu iri oó', «Gadiyér Mungú a tí, ‹Kudá' inós naa ya/aáw, haratlintiaak.› »

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,