TI'INAANGW 39:32 - Biblía Axweesantá Hhohho' ar Mungú 2004

³² Gawaá adoorihe gadiyeé sleémeero ar heémár Mungú iri hhooeér, xoorór Israeli adoodá' sleémeero AAKOÓ MUNGÚ Mose ngwa báy kari tleéhh.

TI'INAANGW 39:32 Iomraidhean Croise

1 WAAWITÁ 6:38

Tam baraá kurkuduú mibaá nee wake iimír Solomon iwa waawuti'ín, slahhángw ta bay Buli gídaabá slahhángw dakaát, do' ina hhooáy nee umuúqo gaarose, ar adoodá' kara oó'. Har qoomoó kureeraá faanqwe Solomon i baraá tlehhma.

1 WAAWITÁ 7:40

Hiramu hutli'i gina tleéhh sleeme, nee kureemaá hhasaangw kwakwahh, nee búklaywo. Hiramu gadiyeédár waawutmo Solomon ar doó AAKOÓ MUNGÚ sleémeero gari adoorír faák.

1 QOM'I 28:19

Tí sleémeero waawutmo gana gwa/aateés ar gooi, adoodá' kura geerahaár nee AAKOÓ MUNGÚ, gadiyeérí sleémeero i tleehharut ar adoodá' kara qoomeés.

TI'INAANGW 12:28

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 25:40

Magaáhh umuú gaaro tleehheek ar slaqsoó tidá' taa gawaá tloomár wa aán.»

TI'INAANGW 31:7

Adór heémaadár Mungú nee sandakmooduú alqado nee kitángw gurtleemu kuduú gawaá daanduuwós i dirií', nee xoosla sleémeero ar gadiyér heémaadá'.

TI'INAANGW 39:31

Slamangwdá' kuri tseék geera gawaá warqamoodá' ta ságwí tsegiiti ar himuú kaloó sirboó/, ar adoodá' AAKOÓ MUNGÚ Mose ngura ádbáy.

TI'INAANGW 39:33

Aluuwo inooín heémadár Mungú kingiri huúw amór Mose nee xosluuwós sleémeero, nee dungáywose, nee nahhtose, nee muqslár afkú do' tsegit nee uheemiwose, nee yukumi'iiwose.

TI'INAANGW 40:1

AAKOÓ MUNGÚ Mose guri báy,

TI'INAANGW 40:3

Kuúng daqaní sandakmooduú alqado ku baraadií dahás, nee inqwaarír kur geehhaantes ka tareeré'.

TI'INAANGW 40:32

Qoomár inooín birna dahiyé' baraá heémár Mungú, nee qoomár kitángw ilahhooa burku i tseewúy, aqo nin hamtliná' ar adoodá' AAKOÓ MUNGÚ Mose ngura ádbáy.

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

Ebrania 3:2

Inós ku inkihhím dír Munguhe, kudá' inós gwa qaas baraá gadiyeérós i alé. Adoodá' Mose sleeme kur inkihhím baraá doó Mungú sleémeerowo.

Ebrania 8:5

Inooín gadiyeé ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Mose. Asma Mose heéma ngiwa tleehhamór wa slaá', Mungú guna báy, «Ga/aaweek, umuúqo gaaro tleehheek ar adór slaqsaydá' tinda kuúngií laqán gawaá tloomár wa ale.»

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.