TI'INAANGW 39:21 - Biblía Axweesantá Hhohho' ar Mungú 2004

²¹ Tlakwaydá' kuri tseék ar dungáydá' gawaá daanduú naifeéra, kuri tseék ar him'ér sirbo/, as kahhó' tlakwayduú da/eewo miwa slakwekwe'eét, ala masók iri gawaá daanduú naifeérárí kitaa hhe'ees. Adoodá' AAKOÓ MUNGÚ Mose ngura ádbáy.

TI'INAANGW 39:21 Iomraidhean Croise

TI'INAANGW 25:7

nee tlaa/aá tlaxo gawden awa ta bay sardoniki, nee tlaa/aá hatlá' awa tlaxo gawden awa ta qaasi gawaá naifeéra, nee gawaá tlakoó da/eewo.

TI'INAANGW 28:8

Himuú afeetlo gár kur tleehhi aqo muruudá' naifeéra kara tleéhh, neewór sahaábu nee neewór se'éngw bee/aangw ar sirbo/, nee ar sirdaa/aaten, nee ar da/aten, nee kitaánír hhohho' ar taa hhuútl, himuudá' kuri gawaá naifeéradií hiriit.

TI'INAANGW 39:20

Duungoó hatlá' tsár kuri tleéhh ar sahaábu, kuri qaás gawaá pasleemoodaá baraay awa geera awa naifeéra, didá' naifeéra nee himuú afeetlo ti doogiyé', himuudá' taa tleéhh nee heé gu baál tleehhamooro.

TI'INAANGW 39:22

Aluuwo hiyaay guri tleéhh ar neewór se'éngw bee/aangw ar sirbo/, oo ta dahaasi guruú naifeérár wa ale.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

1 Korinto 1:25

Asma dakti'iimár Mungú i sagalooár koón ak alé ta sagalooár muko. Nee daqaatlakwér Mungú i /uuruú koón ak alé ta /uuruú muko.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.