TI'INAANGW 38:26 - Biblía Axweesantá Hhohho' ar Mungú 2004

²⁶ Umuúqo heé kureeraá mibeeri tsár gaa ay nee oo gaa ba/i kuna faár, hhawaate a kume tsiire lahhoó' nee tám nee tsiire kooán nee mibeeri kooán. Umuú heewo ohmeero gár aa haniís a muqslár peésa ar graámu kooán.

TI'INAANGW 38:26 Iomraidhean Croise

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 30:12

«Qoomár bar xoorór Israeli a faarór eér, umuú heewo gár hhiintluuwós ngur tu/i baraá dabaeene ngi bui, as kahhó' tiqtír tlakw mingiwa sleér qoomár birki fadiit.

TI'INAANGW 30:13

Umuúqo heé ta faari gár i haniisi a tí: Tlaqtá sheleéli gan haniis ar harqoomoó didá' hhoohhoo'. Gaarí an ilahhooár ni anuú AAKOÓ MUNGÚ haniisi.

TI'INAANGW 38:27

Kílo kume tám ar muqslár peésa kana yukuma'aá tsiirúr tleéhh awa heémár Mungú nee inqwaariro, umuúqo yukumayhe gár kura tleéhh a kílo mibeeri.

FAARO 1:2

«Kuungá' dinku'uuma sleémeero ar múk Israeli faaraak, umuúqo guruú do'o nee tlahhay'ín nee umuúqo ságw hhawaatuwo faaraak.

FAARO 1:3

Mukdaádá' sleémeero baraá Israeliwo oo afiqoomár slaqwara gaa ay, oo kureerii'ín mibeeri tsár ngaa aye', nee ngaa ba/iye', inooín ki qoomesá' baraá daqooráy.

FAARO 1:46

dinkwaaro sleémeero a kume tsiire lahhoó' nee tám, nee tsiire kooán nee mibeeri kooán.

FAARO 2:32

Mukwí an mukduú Israeli taa faár adoodá' tlahhi'ii'ín i dirii'iya' baraá xafay'ine nee bohhuuine. Inooín sleémeerowo a kume tsiire lahhoó' nee tám, nee tsiire kooán nee mibeeri kooán.

FAARO 26:2

«Dinku'uumár múk Israeli sleémeero faaraak, iimír kureeraá mibeeraá tsár wa oohang, umuú heewo ku faari ar adoodá' gur'ér maray'ín i diri', umuúqo heé Israeli oo afiqoomár slaqwara gaa ay.»

FAARO 26:51

Múk Israeli oo taa faár hhawaate kilooín a kume tsiire lahhoó' nee wak, nee tsiire faanqw nee mibeeri tám.

Matayo 17:24

Tawa Kapernaúmúrií hardáh, mukdá' ohmér Doó Mungú ohiím Petro kuri i daqáy, kuri báy, «Intsaahhatusmoowók ohmér Doó Mungú ga hanmaamisiikáhe?»