TI'INAANGW 37:16 - Biblía Axweesantá Hhohho' ar Mungú 2004

¹⁶ Xoosla gari tleéhh ar sahaábuú hhohhó' as kawa qaasi gawaá daanduú meésa, adór sahaánaay, nee slooqa'aá mooyángw tsuú' kway da/aa/an, nee búklaay nee dahhaaráy as ilahhooár tsipipi'iimis.

TI'INAANGW 37:16 Iomraidhean Croise

1 WAAWITÁ 7:50

Slooqi'i nee makasoó taámbay tlaqa nee búklayduú mooyango nee hhaansa'aá asla taatahhaango, sleémeero gár kira tleéhh a sahaábuú hhohhó', nee nahhtá taa tleéhh ar sahaábu ar afér maandár baraá guruú do', didá' ak hhoohhoo', nee afkú dahmuú baraá matla/ángw Doó AAKOÓ MUNGÚ, nahha sleémeero ar sahaábu.

2 WAAWITÁ 12:13

Ala peésaarí kaa burumburiiká as iimpedudaá peésa kiwa tleehhi, makaasír támboó mishumaa, nee búklaaywo nee tarumbeéta laqaá xooslár hatlá' ar sahaábu laqaá ar peésa.

TI'INAANGW 25:29

Sahaánaywós ku tléhh, nee tsukma'aá mooyángw tsuú', nee qoloqoloó ilahhooa tsipipi'iimis. Xosluuká' sleémeero ki tléhh ar sahaábuú hhohhó'.

TI'INAANGW 37:15

Xaa'aá masqaryaán giri tleéhh as kiwa meésár loohisi, giri ninkiriíts ar sahaábu.

TI'INAANGW 37:17

Aluuwo kitángw tsaa'aso ki qamin guri tleéhh ar sahaábuú hhohhó'. Gwe'eedaá kitangwduú tsaa'aso nee hhartose kina tleéhh ar sahaábuú hhohhó' oo taa kwahhuut, nee slooqi'iiwose nee qoloqoláywose nee diqaywose nee /ayooro sleémeero aqo gár wák.

FAARO 7:13

Ilahhooarós a tí: Sahanír wák ar taa tleéhh ar peésa, iilooeemaawós a kílo wak nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

2 Timoteo 2:20

Baraá doó ure xooslár dáw a tidár sahaábu nee muqslár /awak kiloseká, ala tam xooslár peehháy sleeme i deer, nee ar hhape. Xosluuká' taa geerií oó', kaa qaás as gadiyér xirfuú koom, nee kuká' hatlá' kaa qaás as gadiyér ak xirfuú koomaaká.