TI'INAANGW 36:8 - Biblía Axweesantá Hhohho' ar Mungú 2004

⁸ Hhawaate sleémeero kudá' taa qo sagalooár i haniís, heémadá' hhoohhoo' ngiri tleehhiyé' ar kaeemaá mibaangw awa inqwaruú taa tleéhh ar kitaánír hhohho', nee ar tlabaá taa tleéhh ar neewór sirbo/ ar se'éngw bee/aangw, nee ar sirda/aten, nee ar da/aten, slaqsa'aá keruúbi kiri gawaadí tleéhh, nee heé tleehhamooro gu baál.

TI'INAANGW 36:8 Iomraidhean Croise

1 WAAWITÁ 6:23

Slaqsa'aá tsár awa muruú hhaampa'aá koó oo ta bay keruúbi giri tleéhh ar peehhoó seituúni, giri qaás didá' ak ló'wa hhoohhoo'. Umuú slaqsaywo tlenaangós oo gawa a miíta tsiyáhh nee tlaqi.

1 QOM'I 15:1

Daudi maraywós gina tleéhh baraá gixsár Daudi nee dír Sandakmoó Alqadór Mungú gari amohhe'eés, guri heémárí tleéhh.

2 QOM'I 1:3

Naagáy Solomon nee inooín tari alkoné' tari sluufmisuú áy didár gaawaá gongoamo ar sluufmis ar baraá Gibeoni. Tana amoodá' káy, asma heémaadár Mungú i amoodá', tidá' aáng Mose sagadiyusmoó AAKOÓ MUNGÚ aa tleéhh baraá xaanxáy wa ale.

2 QOM'I 3:10

Slaqsa'aá tsár awa keruúbi giri tleéhh giri niinkiriíts ar sahaábu, kiri qaás didaádá' ak ló'wa hhoohhoo' baraá doó Munguhe.

TI'INAANGW 25:18

Slaqsa'aá tsár awa keruúbi ki tléhh ar sahaábuú taa kwahhuút, ki qás gawaá alhhe'eesoó badu tsaraawo awa kitangwduú gurtleemu.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

TI'INAANGW 31:6

Slám ga/aaweek, aníng Oholiabu garmoó Ahisamaki oo tlahhoó Dani ugwa tsawaár sleeme, as kahhó' nee Besaleli iwa algadiyuusiya'. Aníng múk hatlá' oo sageloén ugwa sagalooár i doók as gadiyeduudá' sleémeero ugwa báw iwa tleehharutiya'.

TI'INAANGW 31:7

Adór heémaadár Mungú nee sandakmooduú alqado nee kitángw gurtleemu kuduú gawaá daanduuwós i dirií', nee xoosla sleémeero ar gadiyér heémaadá'.

TI'INAANGW 35:10

«Umuúqo heewo dirhunge oo xu'utír muruuko tlehhit ga koóm ni hardihi, nee muruuwí sleémeero oo AAKOÓ MUNGÚ naa oó' ngu tleehhi:

TI'INAANGW 36:9

Umuúqo inqwaariro tlenaangós a har miíta mibaá nee tsár, nee tlenángw bihhe a miíta tsár. Kaeemooká' sleémeero i alqoná'.

TI'INAANGW 39:3

Sahaábu guna kwahhuút guri neewo tleéhh kuri tlaáq as kuwa alhiriiti nee neewór se'éngw bee/aangw ar sirbo/ nee ar sirdaa/aten nee ar da/aten nee ar kitaánír hhohho' ar taa hhutla hhe'eés.