TI'INAANGW 36:2 - Biblía Axweesantá Hhohho' ar Mungú 2004

² Mose, Besaleli nee Oholiabu nee umuúqo heé fuqurángw kooma, oo ta sagalooár i haniís nee AAKOÓ MUNGÚ, nee umuúqo heé baraá muunaáwose taa tliw/ina, giri ateét as gadiyeérí ngiwa tleehhiya' ar sla'aari.

TI'INAANGW 36:2 Iomraidhean Croise

1 QOM'I 28:21

Ga/aaweek, bohhaá kaahamuusér Mungú nee bohhaá múk tlahhoó Laáwi i dayá' as gadiyedu sleémeero awa doó Mungú. Sagadiyuusér fuqureeraá koom ar umuúqo ado kaa amohhe'eés as kuúng uwa ale/iisiya', sleeme geeraharuuse nee muu sleémeero a sagók ngun /ayiyá'.»

1 QOM'I 29:5

Sahaábu una amohhe'eés as xooslár sahaábu, nee muqslár peésa as xooslaá peésa, nee muruú ta qoo tleehhi ar daba' nee heé gadiyeé ga xuú'. Xáy, a heemá heé ti kilós haniís laarí as tawa oo AAKOÓ MUNGÚ?»

TI'INAANGW 25:2

«Múk Israeli ku beer, ‹Ohme oohare' as aníng.› Kuúng kitangw'eé' wa ooheek dír umuúqo heewo ar adoodá' baraá muunaáwose ngira slaá' haniisaro.

TI'INAANGW 25:40

Magaáhh umuú gaaro tleehheek ar slaqsoó tidá' taa gawaá tloomár wa aán.»

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 31:6

Slám ga/aaweek, aníng Oholiabu garmoó Ahisamaki oo tlahhoó Dani ugwa tsawaár sleeme, as kahhó' nee Besaleli iwa algadiyuusiya'. Aníng múk hatlá' oo sageloén ugwa sagalooár i doók as gadiyeduudá' sleémeero ugwa báw iwa tleehharutiya'.

TI'INAANGW 35:10

«Umuúqo heewo dirhunge oo xu'utír muruuko tlehhit ga koóm ni hardihi, nee muruuwí sleémeero oo AAKOÓ MUNGÚ naa oó' ngu tleehhi:

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

TI'INAANGW 36:1

«Besaleli nee Oholiabu gadiyeé ngi tleehhiye', dinkwa nee umuúqo hhawaatuú sagalooár kooma, oo AAKOÓ MUNGÚ aa sagalooár i haniís nee fuquraango, as xu'utír gadiyér heémaadár Mungú sleémeero ngiwa aslay, nee as sagadiyuusi'iimár hhoohhoo' ar adór AAKOÓ MUNGÚ ngira hara'ayín.»

TI'INAANGW 36:3

Inooín ohmeedá' sleémeero ngiri ilaoohiyé' dír Mose wa alé, ohmeerí an tidá' tinda duúx nee múk Israeli ar sla'aari as gadiyér didá' hhoohhoo'. Aluudae muu ina kumiít ohme huwahubuwo, umuúqo looár tlawa adoorí ngina tleehhiyé' ar muunuú sla'aari.

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

Ebrania 5:4

Hee i kaahh oo ilaiwa/ameerí ga sláw, tawa kaahamusmoó úr oo Mungú. Ala aqo har kudá' taa ateét nee Mungú, adoodár Aroni kura ateét.