TI'INAANGW 36:1 - Biblía Axweesantá Hhohho' ar Mungú 2004

¹ «Besaleli nee Oholiabu gadiyeé ngi tleehhiye', dinkwa nee umuúqo hhawaatuú sagalooár kooma, oo AAKOÓ MUNGÚ aa sagalooár i haniís nee fuquraango, as xu'utír gadiyér heémaadár Mungú sleémeero ngiwa aslay, nee as sagadiyuusi'iimár hhoohhoo' ar adór AAKOÓ MUNGÚ ngira hara'ayín.»

TI'INAANGW 36:1 Iomraidhean Croise

1 WAAWITÁ 7:14

Inós an garmoó kwaalo'o ar tlahhoó Naftali, nee baabuúwós a heé Tiro, kareeramoó muqslár da/aten. Hiramu ku ló'wa dahár nee ku sagaloó', a heé gadiyér muqsla ga ló'wa xuú'. Iri hardáh amór Solomon, gadiyeeduuwós sleémeero giri tleéhh.

1 QOM'I 2:20

Huri ina laqwaál Uri, nee Uri ina laqwaál Besaleli.

1 QOM'I 28:21

Ga/aaweek, bohhaá kaahamuusér Mungú nee bohhaá múk tlahhoó Laáwi i dayá' as gadiyedu sleémeero awa doó Mungú. Sagadiyuusér fuqureeraá koom ar umuúqo ado kaa amohhe'eés as kuúng uwa ale/iisiya', sleeme geeraharuuse nee muu sleémeero a sagók ngun /ayiyá'.»

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

TI'INAANGW 12:28

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 25:8

Inooín dír hotaaeé' ngi tleehhiye', as kahhó' niwa baraá tla/angw'ín wa hoot.

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 31:11

Nee di/tadá' tar iimbalaxan, nee mooyangwdá' tsuua, kudá' taa tleéhh as gadiyér didaádá' hhoohhoo'. Muruuwí sleémeero ngu tleehhiye' ar adoodár kilá' aníng kuúng ura hara'ayiím.»

TI'INAANGW 36:2

Mose, Besaleli nee Oholiabu nee umuúqo heé fuqurángw kooma, oo ta sagalooár i haniís nee AAKOÓ MUNGÚ, nee umuúqo heé baraá muunaáwose taa tliw/ina, giri ateét as gadiyeérí ngiwa tleehhiya' ar sla'aari.

TI'INAANGW 38:23

Alee/isusmoó Besaleli kudá' ta bay Oholiabu garmoó Ahisamaki oo tlahhoó Dani, inós a heé dako ga xuú' nee parootír yaariir ga xuú' tlehhtuuwo, nee heé tlabaá tlehhahhiít ar neewór hhohho' ar kitaáni ar taa hhuútl, nee neewór taa tleéhh ar se'éngw bee/aangw ar sirbo/ nee ar sirdaa/aten nee ar da/atene.

TI'INAANGW 39:1

Neewór se'éngw bee/aangw ar sirbo/ nee ar sirdaa/aten nee ar da/atene gana tlabaá slaqamís ar tleéhh awa ta dahamiisi qoomár barta didá' hhoohhoó' wa gadiyuus. Inooín Aroni nguri tlabaá hhohhó' i hiriitiyé' ar adoodá' AAKOÓ MUNGÚ Mose ngura ádbáy.

FAARO 7:9

Ala Mose múk hhay Kohati gár ngway haniís tam ar niiná i káhh. Asma gadiyér'ín a xosluudá' hhohho' kan amohhe'eemiis, tidá' hariim kawa loohisi ar gawaá sum'i.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Ebrania 8:2

Inós an kaahamusmoó úr oo Mungú. Dír iwa gadiyuusi an didá' ak hhoohhoo', baraá heémaadár ló', tidá' hee aa tleehhiiká ala Aako gana tleéhh.