TI'INAANGW 34:9 - Biblía Axweesantá Hhohho' ar Mungú 2004

⁹ Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

TI'INAANGW 34:9 Iomraidhean Croise

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 33:12

Xoorór amohhoo' a tidá' AAKOÓ MUNGÚ tawa Munguúín. Múk amohhoó' a kudá' inós aa aalirós wa tsawaár.

WARA'AMI 78:62

Mukós guna ii qa/iimiít, guri haniís kuwa muxi ar paangadu.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 32:9

AAKOÓ MUNGÚ Mose guri male báy, «Aníng mukwí ugwa ár, nee ga/aaweek, adór tar múk sageegawdén.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEKARIA 2:12

Nee AAKOÓ MUNGÚ xoorór Yuda gari aal, baraá yaamuudá' hhoohhoó' wa alé, inós Yerusalemu gay malé tsawaar.

FAARO 14:19

Aníng kuúng u firiím, tlakweemaá mukwí gurtlaweek, ar adór sla'aarirók tidá' warqawaaká i diri', adoodá' kira gurtlaatleér iimidá' kiwa baraá yaamaá Misrír wa dúx ay hamí.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

DABE 9:26

Aníng AAKOÓ MUNGÚ una firiím, niwa kah, ‹Aá AAKOÓ MUNGÚ, mukók kuduú aalirók mu qwaareesaar, mukdá' taa ba/amís nee taa baraá yaamaá Misrír wa dúx ar aleesleemu nee ar /uuruú úr.

DABE 9:29

Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »