TI'INAANGW 34:26 - Biblía Axweesantá Hhohho' ar Mungú 2004

²⁶ «Bu'úngw hhó' oo geera oo balaangw baraá yaamuuhunge un hubá' baraá doó AAKOÓ MUNGÚ Munguúhúng. «Deelmoó leei laqaá oo bee/i mu humimara' baraá ilwaá aayorós.»

TI'INAANGW 34:26 Iomraidhean Croise

NEHEMIA 10:35

Al'axweesani an qaasaán umuú kurko bu'úngw geera oo balaangw nee mamaá geera awa umuú xa'anoowo kiwa huwaan baraá doó AAKOÓ MUNGÚ.

TI'INAANGW 23:19

«Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

TLAHHOÓ LAÁWI 23:10

«Xoorór Israeli kabeeto, bara daté' baraá yaamuusingá' naa haniís, bar aga bu'uundé', ufuú balaangw oo bu'úngw geera un hubá' amór kaahamusmoó Mungú.

TLAHHOÓ LAÁWI 23:14

Dír ilahhooarhúng ngira hubi'iiká amor'eé', anuú Munguúhúng, i hariindaaká bu'úngw geera oo balangwhúng kuwa qiintír wa /aga', laqaá kuwa da/a/aanda', laqaá kuwa mikaátér wa tlehha'. Gaarí an dawa oo ta eehada' baraá qartahúng sleémeero umuúqo diiro ar tawa hota'a ay alhhe'eesáy wasle.»

FAARO 15:20

Qoomár bar mikaátér tlehhitá', mukatmoó geera oo balángw geera ku hanisá' as tawa ilahhooár didár afeenír balaangw muxta.

FAARO 18:13

Bu'úngw geera sleémeero baraá qamuuwo, kudá' tindá dir'eéní huúw, a kók. Heé ta harmeetinká baraá xwaylaroge ngu /ayi.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

DABE 14:21

«Fu'unaá gár aa gwa' mi /ayaara', ala hoomoó baraá ayaahúng hoót inós ngi /ayi, laqaá weerisaak dirós i aleeró, asma kuungá' a múk hhohhó' dír AAKOÓ MUNGUHE, kuduú Munguúhúng. «Deelmoó leei laqaá oo bee/i mu humimara' baraá ilwaá aayoorós.

DABE 26:10

Ala hám daxta AAKOÓ MUNGÚ nguna bu'úngw geeraá i huúw oo naa sláw baraá yaamuudá' naa aténí haniís wa ale.› «Naagáy lakwaanti kari yaamií qás dír geeraá AAKOÓ MUNGÚ, Munguúwók nee ta tumbararaa'át dirós.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.