TI'INAANGW 34:23 - Biblía Axweesantá Hhohho' ar Mungú 2004

²³ «Baraá kurko sagaáwa tám hhaawate sleémeero awa mukók ni hardihiye' dír geeraá AAKOÓ MUNGÚ, Munguú Israeli.

TI'INAANGW 34:23 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

TI'INAANGW 23:14

«Kuungá' deelór uren tám tleehhaak umuúqo kurko as ilaiwa/amer'eé'.

TI'INAANGW 23:17

Ki/ima tám baraá kurko hhawaate ni dír geeraá Aakoó Munguúwók i hardarahiye'.

ESEKIELI 46:9

«Muu birna AAKOÓ MUNGÚ sluufmisuú áy qoomár deelór urene, mukdá' naa dah ar afkú do' oo bihhaá /iya, i ti'iiti ar afkú bihhaá basa, nee kudá' naa dahiye' ar afkú bihhaá basa ni ti'iitiye' ar afkú bihhaá /iya. Hee miwa kií/ ar afkudá' nira dáh, ala aqo in ti'iit ar afkudá' amór geeraawós i dirií'.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.