TI'INAANGW 34:16 - Biblía Axweesantá Hhohho' ar Mungú 2004

¹⁶ Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

TI'INAANGW 34:16 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

1 WAAWITÁ 11:1

Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

1 WAAWITÁ 21:25

Heé adór Ahabu ga áw i kaahh oo taa kilós weeriis tlakweema tlehhtuwo dír geeraá Munguhe, kudá' taa mihaayín nee hareerós Yesebeli.

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

NEHEMIA 10:30

Dasuurén ku duxutiiká nee múk yaamuuká', laqaá tam daaqayrén sleeme i duxuxun'aaká ayaawí wa aleeró.

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

NEHEMIA 13:23

Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

HOSEA 1:2

Wa'aá geeraawo AAKOÓ MUNGÚ ina axweés dír múk Israeli ar afkú Hosea. AAKOÓ MUNGÚ Hosea guna báy, «Tláw, harér tsaatuso'o duuxeek, nee na/aá tsaatuuse kiwa sleer, asma ayaawí tsaatu'uumár yaariir gaa tleéhh ar AAKOÓ MUNGÚ kuwa geexáy.»

TLAHHOÓ LAÁWI 21:15

As kahhó' inós na/iiwós mingiwa dabaá tlákwár áy. Aníng an AAKOÓ MUNGÚ kudá' inós gwa paraatl.»

YOSHUA 23:12

Ala barnaxes aga dososoxoté' aaluúwí ale, tari alqaatusé' nee xoorduudá' naa meetiye' baraá tla/angwhúngí ale, tari dir'ín wa duuxuxuundé', inooín nari dirhúng wa duuxuxuné',

YOSHUA 23:13

looeemaawo xuaak adór AAKOÓ MUNGÚ, Munguúhúng xoorduusingá' gi sangw alkonká duuxaro baraá yaamuuwoge. Ala xoorduusingá' tari dukutsmoohúng, nee tsaaxweelirhúng, nee tari adór qawoó ta kuungár muxi, nee laqayaá ta ilahúngár mutin, ay dír tay faka' qatlooro baraá yaamuuká' hhooá' awa AAKOÓ MUNGÚ, Munguúhúng naa dirhúngií haniisi.

HAR'OHUUSE 14:3

Ala xwayliiteerós guri beér, «Ahaá dasi tam ar wák iqo káhha baraá ayaawihe tam baraá mar'eefoorene, gár tas duxuun baraá xoorór ta hheehhe'emisiiká wa alé ar Filisti?» Ala Samson baabuúwós guri báy, «Dasír aníng ni duuxór wa slaa' a tidá', asma aníng iga sla'atís.»

HAR'OHUUSE 3:5

Aluuwo xoorór Israeli ina hót baraá tla/ángw múk Kana'anír wá ale nee oo Hiti, nee oo Amori nee oo Perisi, nee oo Hifi nee oo Yebusi.

HAR'OHUUSE 3:6

Dasuú mukdá' ngway duxuutiyé', nee dasuuín oo kilá' kuna duxuút nee daaqoó xoorduudá', munguaá xoorduudá' ngiri sagadiyuusiyé'.

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.