TI'INAANGW 34:15 - Biblía Axweesantá Hhohho' ar Mungú 2004

¹⁵ Miti axweesani slawaara' nee yaamuloouusér yaamuudá', asma inooín munguii'ín biringa sluufmisuú ayé', nee ilahhooár muruú ta tsu/i kawa hanmiisi, aluuwo kuungá' tunduri afa /aasl tam fu'unaá muruú taa ilahhooár wa tsuú/ kiri /aymár eera'.

TI'INAANGW 34:15 Iomraidhean Croise

1 QOM'I 5:25

Ala inooín Munguú baabi'ii'ín ngway tlakweemáy tleehhiyé', inooín niri munguaá hatlá' sluufmisuú ayé' awa múk yaamuudá', kudá' Mungú aa hhaamiís dír geeraín wa alé.

ESRA 6:9

Nee umuúqo gár i slaiia haniisaak, bar awér nakw nee gwaandaawe, laqaá bee/aangw as tawa ilahhooár ta da/i dír Munguú doorí alé, nee angaáno nee diwi nee difaái, laqaá di/i, ar adór kaahamuusér baraá Yerusalemu ta ooi, muruuwí ku hanmiisi umuúqo deeloro, mu mawaara' hanmisuuwo.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

TI'INAANGW 22:19

«Heé nee makiito'o naa fuquusiye' a gaasa.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

TI'INAANGW 34:12

Kuúng ti harmagahh alqado ma tleehhara' nee yaamuloouusér yaamaá ta keera', asma kuungá' aluuwo nu gee/asliyá'.

YEREMIA 3:9

Tsaatu'uuma dir'ine a gár ta hhasliitiiká, yaamu ngiri meetagaasiyé', tsaatu'uuma ngina tleehhiyé' tlaa/e nee xaai ngiwa haratlintati'iya'.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

FAARO 25:1

Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

1 Korinto 10:27

Bar heé Krishaanmowooká kuungá' naa dahi'ís, nee kuungá' barnaxes a daqeemuú sla'á', umuúqo gaaro /ayaak, tidá' taa geeraahúng i qaás. Amór i dahh ma yaahamisaara', as haratlintaaorhúng.

1 Korinto 8:10

Ar slaqsaywo, kuúnguusíng xu'utír koóm, burta ár tawa /ayiin baraá doó munguaá hatlá' wa alé, heé haratlintaaoorós tununuu/, inós fu'unaydá' taa ilahhooár wa haniís gi /aymár áyke sleeme?

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 31:18

Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

DABE 32:37

Aluuwo Mungú in ooi, «Munguihúng kudá' taa i gobé' i amoomá? Tlaa/arhúng tidá' tay nahhaté' gaálaay?

DABE 32:38

Kudá' muruú wahhaár oo taa ilahhooár wa tsu/é' gwaa /aay, nee kudá' difaáidá' taa ilahhooár wa hanisé' ngaa wahane' ta amá? Axáy gimsé' ni sihhitiye' nee nu alee/iisiye'. Gimsé' inooín pa/ángwií hanisaak tawa baqamorhúng.

DABE 7:2

Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

DABE 7:3

Dasuuhúng mukuwa duxuút nee daaqay'ín, laqaá daaqayhúng dasuuín munguwa duxuút.

YOSHUA 23:12

Ala barnaxes aga dososoxoté' aaluúwí ale, tari alqaatusé' nee xoorduudá' naa meetiye' baraá tla/angwhúngí ale, tari dir'ín wa duuxuxuundé', inooín nari dirhúng wa duuxuxuné',

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.

HAR'OHUUSE 3:6

Dasuú mukdá' ngway duxuutiyé', nee dasuuín oo kilá' kuna duxuút nee daaqoó xoorduudá', munguaá xoorduudá' ngiri sagadiyuusiyé'.