TI'INAANGW 34:13 - Biblía Axweesantá Hhohho' ar Mungú 2004

¹³ Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

TI'INAANGW 34:13 Iomraidhean Croise

1 WAAWITÁ 14:15

Eeít, iimír hamí AAKOÓ MUNGÚ múk Israeli gu slaahh, inooín kiri diingiis adór gitsór ta dingimiisi nee ma'aá yaae. Inós múk Israeli guri hingees baraá yaamuuká hhoohhoo' taa baabi'ii'ín i haniís, nee kiri diyaa/ ayaá saáwí alé, gayuú yaaér Eufrate, asma AAKOÓ MUNGÚ ngwaa buhhtisiyé' as slaqsa'aá Ashera kiwa tleéhh, kuduú munguú /ameeni.

2 WAAWITÁ 10:27

Uheemidá' dinkwa nee doó sluufmisuwo kiri naasúy. Doó sluufmis kuri bohóngw /o/odu tleéhh. Adoorí an adór do'duú sluufmis i dirii'i ay laarí.

2 WAAWITÁ 18:4

Inós kiteeridaá gawaá gongoama' awa munguaá lama kiwa sluufmiisi nee uheemidae gina feé/, nee slaqsoó munguú Ashera guna tsaát. Inós slaqsayduú dayshamo, kudá' aáng Mose aa tleéhh ar muqslír sirdaa/aat, kudá' ta babay Nehushtani, guri suwawaá'. Asma ay qoomaadá' múk Israeli dayshamoodá' taa tleéhh nee Mose ngun mooyángw tsuú' i da/a/aná' as nguwa ilaiwawa/iya'.

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

2 QOM'I 14:3

Baraá yaamuwo kiteeraá munguaá hatlá' kiwa sluufmiís gina hingeés nee wa/ameedár gongooama' ar munguaá hatlá' kiwa slufmiisi gari hingeés nee uheemidaá giri tlaáq, slaqsi'iidaá Ashera giri supín.

2 QOM'I 15:16

Waawutmo Asa aayoorós Ma'aka gana hiingeés baraá waawuti'iimaro, asma slaqsaydá' ta waki ta bay Ashera guna tléhh. Asa slaqsaywí guna geeqáy, gway daá/, gway kwaáhh baraá xatstá ta bay Kidroni.

2 QOM'I 17:6

Muunaáwós guna baraá lohaá Mungú xu'ús, inós wa/angwduú gawaá gongoama' kudá' munguaá hatlá' kiwa sluufmaamisi guna feé/, nee slaqsi'iidaá munguaá Ashera kudaá baraá yaamaá Yuda giri hingeés.

2 QOM'I 24:18

Naagáy muu Doó AAKOÓ MUNGÚ, Munguú baabi'ii'ín, guri máy, munguúdá' ta bay Ashera nguri sluufmisuú ayé', nee slaqsa'aá hatlae, Mungú múk Yuda nee oo Yerusalemu giri i qa/iít.

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

MIKA 5:14

Aníng uheemiiwók kudá' taa dakút tawa mungú Ashera i tuú/ tla/angwhunge. Nee aníng gixsaduuhúng ngiri hhitiím.

FAARO 33:52

kuungá' yaamuloouusér yaamuudá' sleémeero guusaak, tlaa/eeín kudá' taa tleéhh awa murslaaqat hhitimaak, nee slaqsi'iidá' taa kwahhuút hhaamisaak, wa/aamer'ín tidár ilahhooa fee/aak.

DABE 16:21

«Qoomár kitángw ilahhooa bura tlehhé' as AAKOÓ MUNGÚ Munguúhúng, uhmoó ta sluufmiisi oo slaqsoó munguú Ashera mu tleehhara' bihhaá kitangwduú ilahhooa.

DABE 16:22

Nee tlaa/a ma sihhtisaara' as munguaá hatlá' kiwa sluufmisa', kudá AAKOÓ Munguúhúng i waki.»

DABE 7:5

Ala adoorí ti tlehhe': Kiteeri'ín kudá' ilahhooa amór saaw tay fe/e', nee uheemi giqawaak. Slaqsi'iidaá Ashera amór saaw ti kwahhe', nee slaqsi'iidá' taa dakuút ar daba', da/aak.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?

HAR'OHUUSE 6:25

Xweeradaá kilae AAKOÓ MUNGÚ Gideoni guri báy, «Awuú baabuúwók taataahhang, nee awuú hatlá' oo kureeraá faanqw, kitangwduú ilahhooa oo baabuúwók aa tleéhh as munguúdá' ta bay Ba'ali fee/eek, dinkwa nee slaqsayduú Ashera taa sihhtís, kuduú bihhiidií dirií'.

HAR'OHUUSE 6:26

Kitángw ilahhooa oo AAKOÓ MUNGÚ, Munguúwók ku tlaa/ér tléhh gawaá koo/ír gawit. Daqaní awuduú tsár ku dá/ as tawa ilahhooár da/a, slaqsayduú Ashera taa fé/ migír tiwa hamis.»