TI'INAANGW 34:1 - Biblía Axweesantá Hhohho' ar Mungú 2004

¹ AAKOÓ MUNGÚ Mose guri báy, «Tlaa/aá parereehhayen awa tsár tleehheek awa slaqás nee kudaá geera, daqaní aníng axweesantadá' baraá tlaa/eedá' parerhhayenií dirii', kudá' kuúng taa giqeér, a baraá kwisíng i gooiím.

TI'INAANGW 34:1 Iomraidhean Croise

WARA'AMI 119:89

AAKOÓ MUNGÚ, axweesantók i kumamít ay kureeraá kureér, aa adoorír xu'utít gawaá dooriwo ay alhhe'eesay wasle.

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 32:16

Nee tlaa/eedá' parereehhayen Mungú gina tleéhh, nee gooidár gawaadá' a Mungú inósuú kilá' gana gooín.

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

TI'INAANGW 34:4

Naagáy Mose tlaa/aá parereehhayen awa tsár giri tsaát, awa slaqás nee kudaá geera. Mose matlaatlér boo/e iri tseewa tláy, iri tsa/án gawaá tloomár Sinai adoodá' AAKOÓ MUNGÚ ngira oó', tlaa/aá parereehhayen awa tsár gi kón dabaawose.

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

DABE 4:13

Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.