TI'INAANGW 33:9 - Biblía Axweesantá Hhohho' ar Mungú 2004

⁹ Qoomár Mose bira dáh baraá heémadár Mungú, uhmoó huunki nin aweer, iri sihhiit dír afkú heémadá', AAKOÓ MUNGÚ iri amór Mose axwees.

TI'INAANGW 33:9 Iomraidhean Croise

IIMU/UUNGW 17:22

Mungú axweesantá dír Abrahamu ngiwa hhe'eés, iri tláy.

IIMU/UUNGW 18:33

AAKOÓ MUNGÚ iwa hhe'eés axweesanto nee Abrahamu, iri tláy,

WARA'AMI 99:7

Baraá uhmooduú huunkiro ina axweés nee inooín, axweesantós nee kaahirós tidá' aa haniís kari óh.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 33:10

Qoomár muu sleémeero uhmooduú huunki bur kwa ár aa sihhiít dír afkú heémár Mungú, muu sleémeero in tláy, umuúqo heewo iri tumbarara'aat dír afkú heémaarós.

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

TI'INAANGW 33:8

Umuú qoomaaro Mose bira tláy iwa amór heémaadá' kay, muu sleémeero tindin ti'iit tsee/áy ale baraá xafaywo, umuúqo heewo dír afkú heémarós gun i sihhiit. Mose kun aluúwaá ga/aa/áy ay dír i dahi baraá heémadár Mungú.

TI'INAANGW 34:3

Nee heé wák lo' miti alkoomara', miwa deerút lo' tam heé wák gawaá tlooma adáwá ale, laqaá bee/i laqaá slee makawa de'éngw ay afaá tlooma.»

TI'INAANGW 34:5

AAKOÓ MUNGÚ iri aweér gawaá tlooma ar baraá huunki, iri sihhiít dinkwa nee inós, umuuwós guri alki/iít iwa kaahi, «Aníng a AAKOÓ MUNGÚ.»

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ESEKIELI 3:22

/Uuruú AAKOÓ MUNGÚ aníng ina hatsiís, iri báy, «Sihhiít, tláw ay dír tlapapaai. Aníng nee kuúng a amoodá' wa axweesaán.»

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:15

Nee AAKOÓ MUNGÚ giri baraadií harati'iít, ar baraá uhmoó huunki kudá' aa sihhiit dír afkú heémaadár Mungú.